Ижкар+20 °C
9 -тӥ гудырикошкон 2020 Воскресенье
16+

Гурт лулчеберетъя «Гурт-fest» фестиваль туэ Удмуртиын музей ужрад сямен гинэ ортчоз

  • 79
  • 0
Лудорвай / Удмуртия
Гурт лулчеберетъя «Гурт-fest» фестиваль туэ Удмуртиын музей ужрад сямен гинэ ортчоз
Туспуктэм: Григорий Фомин

15-тӥ гудырикошконэ Удмуртиысь «Лудорвай» музей-заповедникын гурт лулчеберетъя «Гурт-Fest» фестиваль ортчоз, но пандемия сэрен туэ со музейлэн ужрадэз сямен гинэ радъяськоз. Со сярысь ивортодэтъя «Удмуртия» агентстволы музейысь ӧнерчи Елена Келарева вераз.

Ми сое ум шуиське трос калыклы праздник, со сыӵе паськытатэм тематической программа луоз – тодматскон сям-йылолъёсын. <…> Йӧскалык подворьеосмы уз луэ. <…> Пыриськозы кӧня ке коллективъёс татысь, Удмуртиысь
Елена Келарева, «Лудорвай» музей-заповедникысь ӧнерчи

Ужрадэз Чечы спас праздникен кутскозы. Отец Павел выль чечыез вӧсялоз. Сяме пыремъя, 12 часын вашкала тӧл вукоез лэзёзы. Азьвыл фестиваль дыръя бадӟым хоровод ортчытъяло вал, но туэ кышкытлыклэсь утиськон куронъёс сое радъяны уг лэзё.

Маскаен ветлоно, киысь ки кутӥськыса ӧвӧл ветлоно, поръясь адямиос пичи группаосын мед луозы - тӥни сыӵе куронъёс вань
Елена Келарева, «Лудорвай» музей-заповедникысь ӧнерчи

Ужрадлэн ужнарадлыкез музейлэн сайтаз тодматскыны луоз. 

Пусъём, 2020-тӥ арын гурт лулчеберетъя «Гурт-fest» калыккуспо фестиваль витетӥзэ ортчытыны кулэ вал. Елена Келаревалэн верамезъя, ужрадэ Чувашиысь, Эстониысь, Ямало-Ненец автоном округысь куноос курисько ни вал, но кылдэм югдурын юбилей фестивалез вуоно арлы кельтӥзы. 

Тодэ вайытом, 25-тӥ пӧсьтолэзе онлайн амалэн Кубыз фестиваль ортчоз.  



Наверх
Вниз