Ижкар+20 °C
9 -тӥ гудырикошкон 2020 Воскресенье
16+

Пётр Чайковский сярысь фильм лэсьто крезьгурчилэн Воткась музей-юртаз

  • 79
  • 0
Вотка / Удмуртия
Пётр Чайковский сярысь фильм лэсьто крезьгурчилэн Воткась музей-юртаз
Туспуктэм: П. И. Чайковскийлэн музей-юртэзлэн пресс-службаез

Пётр Чайковскийлэн Воткаысь музей-юртаз «Чайковский – Русский гений» фильм снимать каро. Со сярысь ужъюртлэн пресс-службаез ивортӥз.

Картина крезьгурчилэн вордскемез дырысен 180 ар тырмонлы сӥземын. Кызьы вераз фильмлэн продюсерез Михаил Ананьев, сценарий зэмлыко инъет вылын гожтэмын, историлэсь палэнскон но дунъет сётон уз луы.

Со документально-игровой фильм луоз, озьы ик мультипликациез пыртом. Пичи Пётрен гожтэм кылбуръёсты анимировать каром шуыса малпам
Михаил Ананьев, «Чайковский – Русский гений» фильмлэн продюсерез

Фильмын Россиысь артистъёс шудо, соос пӧлын Лариса Лужина, Дарья Повереннова, Авангард Леонтьев но мукетъёсыз.

Фильмез Удмуртиысь лулчеберетъя министерство кичӧлтэмен пукто, нош кылдытӥсез Москваысь «М ФИЛЬМ» кинокомпания луэ. 

Тодэ вайытом, туэ тулыспалэ Ижкарын тодмо конструктор Михаил Калашников сярысь «Калашников» чеберлыко фильмез возьматӥзы (12+). 



Наверх
Вниз