Ижкар+20 °C
9 -тӥ гудырикошкон 2020 Воскресенье
16+

Йӧскалык лулчеберетъя «Тангыра» фестиваль ортчоз Ижкарын 8-тӥ гудырикошконэ

  • 93
  • 0
Ижкар / Удмуртия
Йӧскалык лулчеберетъя «Тангыра» фестиваль ортчоз Ижкарын 8-тӥ гудырикошконэ
Туспуктэм: Удмуртиысь Калыкъёслэн эшъяськон юртсылэн пресс-службаез

8-тӥ гудырикошконэ Ижкарын егитъёслэн йӧскалык лулчеберетсыя «Тангыра» фестиваль ортчоз. Ужрад «Талисман» вузкарон центрлэн парковкаяз drive-in (драйв-ин) форматэн радъяськоз. Со сярысь Удмуртиысь Калыкъёслэн эшъяськон юртсылэн пресс-службаез ивортэ.

Драйв-ин амалэн ужрадын сцена вылын артистъёслэн улэп возьматонзы мынэ, нош калык соосты асьсэ машинаосазы пукыса учке

Фестиваль 17 часын кутскоз. Солэн радлыказ: улэп крезьгуро возьматонъёс, йӧскалык шӧмо дӥськут лэсьтӥсь туала дизайнеръёслэн видеовозьматонъёссы но этно-маркет.

Сцена вылэ Россиын улӥсь калыкъёслэн кылъёсынызы кырӟанъёс кылдытъясь егитъёслэн группаоссы потозы: GAUGA (Татарстан), «ЯлАР» (Чувашия), «У ЕН» (Марий Эл), «Шай-Май» (Пермь шаер), Аrgymak (Башкортостан), Вobolenin (Удмуртия), Mordens (Мордовия).

Фестивале машинаен гинэ пырыны улэ, со понна Калыкъёслэн эшъяськон юртсылэн сайтаз пусйиськыны кулэ.

Тодэ вайытом, «Тангыра» куартолэзь пумын ортчыны кулэ вал, но пандемия сэрен фестивалез гудырикошконлы выжтӥзы



Наверх
Вниз