Ижкар+1 °C
24 -тӥ коньывуон 2020 Кӧснунал
18+

Удмуртиын «ДаУР!» квест кутскиз

  • 109
  • 0
Ижкар / Удмуртия
Удмуртиын «ДаУР!» квест кутскиз
Туспуктэм: Удмуртиысь тӧролэн но кивалтэтлэн пресс-службазы

Удмуртилэн кунлыкезлы 100 ар тырмонлы 30-тӥ пӧсьтолэзе элькунын «ДаУР!» квест кутскиз. Со сярысь улосвыл тӧролэн но кивалтэтлэн пресс-службазы ивортӥз.

«ДаУР!» квест – со шаертодонъя шудон, кытын адямиос асьсэ коже турмаршрутъёстӥ ортчыны но кыӵе ке куронэз быдэстыны кулэ. Маршрутъёс «Удмуртиысь 100 интыостӥ» ортчо, ӵектослэн картаяз соос горд флажокен пусъемын. Пыриськисьёс тросгес интыосы вуылыны, отын туспуктэмъёс лэсьтыны но соосты «ВКонтакте» яке Instagram мерлыко вотэсъёсысь бамазы поттыны кулэ.

Ивортонын гожтоно: «Участвую/-ем в #КвестДаУР (пусъёно ӵектослэсь мерлыко вотэсысь бамзэ). Посетил/-а/-и …». Одно ик #КвестДаУР #Удмуртия100 хештегъёс пуктоно.

Шудонэ пыриськыны быгато 18 ареслэсь бадӟым адямиос, нимаз яке семьяен.

Квестэз ортчытон дыр:

- 30-тӥ пӧсьтолэзьысен 11-тӥ коньывуонозь – квестэз ортчон но куриськонъёсты кутон;
- 11-тӥ коньывуонысен 26-тӥ коньывуонозь – пыриськисьёслэсь ужъёссэс эскерон;
- 26-тӥ коньывуонысен 4-тӥ шуркынмонозь – вормисьёсты пусъён.

Радъясьёс лыдъялозы, кӧня интыосы вуылӥз пыриськись:

- нырысетӥ уровень – 25 инты;
- кыкетӥ уровень – 50 инты;
- куинетӥ уровень – 75 инты;
- ньылетӥ уровень – 100 инты.

Вормисе потоз со, кин тужгес трос интыосы вуылоз.

4-тӥ шуркынмонэ, Удмуртилэн кунлыкезлы 100 ар тырмон нуналэ, вормисьёсты сӥё-дано ужрадын дипломъёсын но кузьымъёсын пусъёзы.

Квестэ пыриськонъя куронъёсын даур.рф сайтын тодматскыны улоз.

Шудонэ пыриськемез сярысь улосвыллэн тӧроез Александр Бречалов но вераз. 




Наверх
Вниз