Ижкар+18 °C
1 -тӥ коньывуон 2020 Покчиарня
18+

Удмуртиысь кык книгаос «Малая Родина - 2020» огъяросси вожвылъяськонлэн вакчи лыдметаз пыризы

  • 157
  • 0
Ижкар / Удмуртия
Удмуртиысь кык книгаос «Малая Родина - 2020» огъяросси вожвылъяськонлэн вакчи лыдметаз пыризы
Туспуктэм: Руслан Нуриахметов

Улосвыл но шаертодонъя литературая «Малая Родина - 2020» огъяросси вожвылъяськонлэн вакчи лыдметаз (шорт-листаз) «Удмуртия» издательстволэн кык книгаосыз пыризы. Со сярысь Печатья но калыке ивортодэт вӧлмытонъя федерал агентстволэн пресс-службаез ивортэ.

«Мифы, легенды и сказки удмуртского народа» книга «Увлекательное краеведение» номинацие пыриз. Нош «Секреты удмуртских мастеров» «Дело мастера боится» номинацие сюриз

Со сяна, вожвылъяськонын «Мой край», «Образ Родины», «Люди нашего края», «Этот день мы приближали как могли…» номинациос висъямын. Конкурсэ кунысьтымы 52 издательствоослэсь 100-лэсь трос книгаос вуизы. 

Номинациосын вормисьёсты сяна, вожвылъяськон улсын шаертодонэз но вордӥськем палъёслэсь историзэс азинтонэ ватсэт пыртэм понна С. О. Шмидтлэсь нимзэ нуллӥсь «Подвижник краеведения» дипломен пусъёзы.

2020-тӥ арын вожвылъяськонын вормисьёсты Москваысь калыккуспо книга ярмаркаын ялозы. Со 2-6 куарусёнэ «Манеж» шор адӟытон залын ортчоз

Ватсалом, улосвыл но шаертодонъя литературая «Малая Родина» вожвылъяськон Печатья но калыке ивортодэт вӧлмытонъя федерал агентство юрттэмен 2005-тӥ арысен радъяське.

Тодэ вайытом, 2019-тӥ арын Россиысь Печатья но калыке ивортодэт вӧлмытонъя агентство улосвыл но шаертодон литературая «Малая Родина» конкурсаз «Многонациональная Россия» номинациын «Удмурты: тайна тамги» книга понна издательстволы диплом сётӥз. Нимаз диплом книгалэн авторез Георгий Грязев басьтӥз.



Наверх
Вниз