Ижкар+18 °C
1 -тӥ коньывуон 2020 Покчиарня
18+

Вить лулчеберет юртъёсты тупатъям бере усьтӥзы Удмуртиын

  • 75
  • 0
Ижкар / Удмуртия
Вить лулчеберет юртъёсты тупатъям бере усьтӥзы Удмуртиын

Удмуртиысь вить лулчеберет юртъёсын тупатъян ужъёсты йылпумъязы. Кема возьмам выльдон ужъёс бере Кез, Камбарка, Кракулино но Яр ёросъёсын гурт клубъёсты усьтӥзы. Со сярысь элькунлэн тӧроез Александр Бречалов «ВКонтакте» мерлыко вотэсысь бамаз ивортӥз.

«Культура» йӧскалык ӵектос улсын Кез ёросысь Кулига черкогуртысь ӟуч лулчеберетъя «Истоки Камы» центрез рос-прос тупатъязы. Отын выжъёсты, укноосты, ӧсъёсты воштӥзы, кирпичлэсь висъет борддоръёс лэсьтӥзы, тылэз выльдӥзы, учкисьёслы залэз но музейлэсь висъетсэ тупатъязы.

«Огъя Россия» партилэн «Покчи шаерлэн лулчеберетэз» ӵектосэзъя Кулигаысь лулчеберет юртысь учкисьёслы залысь вань пуконъёсты воштӥзы, оглом 400 сюрс манет тыр.

Гурт лулчеберет юртъёс – со мер но лулчеберет улонлэн зэмос центръёсыз. Россилэн лулчеберетэз – со бадӟым театръёс но музейёс гинэ ӧвӧл, солэн выжыосыз гурт лулчеберет юртъёсын, пичи концерт залъёсын, многофунциональной центръёсын
Александр Бречалов, Удмуртилэн тӧроез

Тодэ вайытом, кемалась ӧвӧл Глаз ёросысь «Искра» лулчеберет юртын учкисьёслы залэз тупатъям бере усьтӥзы.                                                                                                                                          



Наверх
Вниз