Ижкар+17 °C
26 -тӥ куарусён 2020 Кӧснунал
18+

Калык эктонъя «Купанча» элькун вожвылъяськонэ куриськонъёсты кутыны кутскизы Удмуртиын

  • 92
  • 0
Ижкар / Удмуртия
Калык эктонъя «Купанча» элькун вожвылъяськонэ куриськонъёсты кутыны кутскизы Удмуртиын
Туспуктэм: Григорий Фомин

Удмуртиын калык эктонъя «Купанча» элькун вожвылъяськонэ куриськонъёсты кутыны кутскизы. Конкурс 29-30 шуркынмонэ Ижкарын ортчоз. Со сярысь Калык творчествоя элькун юртлэн «ВКонтакте» мерлыко вотэсысь огиназ ивортӥзы.

Ужрад Удмуртилэн кунлыкезлы 100 ар тырмон улсын калык эктон лулчеберетэз утён но азинтон понна но ортче

Вожвылъяськон номинациосъя радъяське: калык эктон (фольклор, народно-характерной, народно-сценической эктон) но стилизованной калык эктон. Коллективъёсты арлыдъя куинь группаосъя люкозы: покчи пиналъёс (7-10 аресъемъёс), бадӟым пиналъёс (11-14 аресъемъёс) но бадӟымъёс (15 аресысен). Котьдкуд пыриськись кудаз ке номинацие кык эктон дасяны кулэ.

Конкурсэ пыриськон понна куриськонъёсты 30-тӥ коньывуонозь келяно. Вожвылъяськонлэн куронъёсыныз пыр-почгес тодматскыны но куриськон сётыны чӧлсконпусъя луэ. 

Тодэ вайытом, озьы ик Удмуртиын улӥсьёс VI Дунневыл фольклориада улсын финн-угор калыкъёслэн лулчеберетсыя «Живущие по солнцу» калыккуспо фестивале пыриськыны быгато



Наверх
Вниз