Ижкар+17 °C
26 -тӥ куарусён 2020 Кӧснунал
18+

Кескич, амало муртъёс сярысь удмурт выжыкылъёсын бичет поттӥзы Удмуртиын

  • 94
  • 0
Ижкар / Удмуртия
Кескич, амало муртъёс сярысь удмурт выжыкылъёсын бичет поттӥзы Удмуртиын
Туспуктэм: vk.com (Удмуртия Книжное-Издательство)

«Удмуртия» книгапоттониын кескич, амало, пӧртэм югдурысь кӧсын потыны быгатӥсь муртъёс сярысь удмурт выжыкылъёсын «Лӧпшо Педунь, Алдар Иван но мукетъёсыз» нимо бичет поттӥзы. Со сярысь ивортодэтъя «Удмуртия» агентстволэн корреспондентэзлы издательстволэн кивалтӥсез Юрий Кузнецов вераз.

Юрий Кузнецовлэн кылъёсызъя, та бичет, азьвыл книгаосынызы ӵошатыса, тужгес бадӟымез луэ.

Тросэз та выжыкылъёс туала лыдӟись доры ӧз на вуылэ вал. Соос шедьтылэмын 30-тӥ аръёсы потылэм бичетъёсысь, газет-журналъёсысь. Вот 30-тӥ аръёсысен кутскыса ми йӧскалык библиотекаын ужасьёсын ӵош пырак соосты сӥсъяса потӥмы
Юрий Кузнецов, «Удмуртия» книгапоттоннилэн кивалтӥсез

128 бамъем бичетэ оглом 39 выжыкылъёс пыризы. Соос пӧлын тодмо удмурт тодосчиосын, гожъяськисьёсын, фольклористъёсын Надежда Кралинаен, Даниил Яшинэн, Аркадий Клабуковен, М. А. Перевощиковен калыкысь бичам мадёнъёс. Выль книга 450 экземплярен потӥз.

Юрий Кузнецовлэн верамезъя, книга котьку но нылпи визьнодан ужын бадӟым инты басьтӥз но басьтэ. Эшшо ик удмурт кылын. Уго радиоысь, телевизорысь нылпиослы удмурт передачаос трос уд кылы. Интернет вотэсысь но удмурт кылын нылпи контент секыт шедьтыны. Соин ик книга, кудаз нылпиослы тупатэм, соослы кельшымон, валамон текст гожтэмын, чебер, яркыт суредъёс суредамын, тужгес умоез амал луэ.

Нялтас вераса, книгапоттоннилэн кивалтӥсез али «Туала нылпи литература» антология бордын ужало шуыса пусйиз. Антология элькунмылэн кунлыкезлы 100 ар тырмон азьын потоз. Солэн тиражез 2 сюрслэсь трос луоз. Школаосы, муниципал кылдытэтъёсы со дунтэк вуоз.

Тодэ вайытом, «Удмуртия» книгапоттоннилэн книгаосыз огъяросси вожвылъяськонысь вормонъёсын бертӥзы



Наверх
Вниз