Ижкар+17 °C
26 -тӥ куарусён 2020 Кӧснунал
18+

810 сюрс манет тыр грант утӥз Удмуртиысь ӵектос «Таврида- АРТ» форумын

  • 93
  • 0
Крым / Россия
810 сюрс манет тыр грант утӥз Удмуртиысь ӵектос «Таврида- АРТ» форумын

Ижкарысь М. Т. Калашников нимо техникая кун университетын дышетскись Юлия Шмыкова ӵектоссэ улонэ пыӵатыны Крымын ортчем «Таврида - АРТ» форумын 810 сюрс манет утӥз. Со сярысь элькун тӧролэн но кивалтэтлэн пресс-службазы ивортӥз.

Дышетскись вожвылъяськонэ Удмуртилэн кунлыкезлы 100 ар тырмонлы сӥзем егитъёслы UDMURT.LIFE йӧскалык медиацентр усьтыны ӵектосэныз пыриськиз.

Медиацентр нырысь ик удмурт кылэз утён понна малпамын. Иворъёсын вань контентмы удмурт но ӟуч кылын луоз. Чакласьком интыысь иворъёсты сяна, Приволжск федерал округысь иворъёсты но поттаны. Озьы ик ми егит крезьгурчиослы юрттом: юромо студиын трекъёссэс гожъяны, видеоклипъёс лэсьтыны но медиа пространствоын вӧлмытыны
Юлия Шмыкова, UDMURT.LIFE ӵектослэн авторез

Пусъём, туэ Крымысь форумын крезьгурчиос, хореографъёс, суредасьёс, маскаръяськисьёс, дизайнеръёс но мукетъёсыз люкаськылӥзы. Удмуртилэн делегацияз конкурс пыр потыса 12 егитъёс пыриськизы. Соос экспертъёсын ортчытэм мастер-классъёсы но тренингъёсы, кунысьтымы тодмо кырӟасьёслэн перфомансъёсазы но шоу-концертъёсазы, кастинг-платформае пыриськизы.

Форум улсын чеберлыко искусство, КВН, кино но театр, вокал, калык искусство, архитектура, эктонъёс но мукет ӧръёсысь 30 ӵектосъёс 15 миллион манет тыр грантъёс басьтӥзы. 

Тодэ вайытом, азьвылгес Удмуртиысь коммерци луисьтэм тямыс огазеяськонъёс Азьмуртлэн грантъёсъя фондэзлэн нимысьтыз вожвылъяськоназ 9 миллион 982 сюрс 149 манет утӥзы.



Наверх
Вниз