Ижкар+2 °C
26 -тӥ коньывуон 2021 Пуксён
18+

«Книга года на родине П. И. Чайковского» улосвылкуспо вожвылъяськонын Удмуртиез ньыль номинациын пусйизы

  • 300
  • 0
Ижкар / Удмуртия
«Книга года на родине П. И. Чайковского» улосвылкуспо вожвылъяськонын Удмуртиез ньыль номинациын пусйизы
Туспуктэм: vk.com (Удмуртия Книжное-Издательство)

6-тӥ коньывуонэ Ижкарын «Книга года на родине П. И. Чайковского» улосвылкуспо фестивальын-вожвылъяськонын вормисьёсты пусйзы. Удмуртиысь пыриськисьёс ньыль номинациосын вормизы. Со сярысь элькунысь Йӧскалык лыдӟетъюртэн пресс-службаез ивортӥз.

Фестиваль-вожвылъяськон нырысьсэ ортчиз. Жюри Удмуртиысь, Марий Элысь, Комиысь, Башктортостанысь, Татарстанысь, Чувашиысь, Саха (Якутия) Элькунысь но Киров улосвылысь 34 пыриськисьёслэсь 129 изданиоссэс дунъяз. Вожвылъяськон сизьым валтӥсь но кык нимысьтыз номинациосын мынӥз.

Удмуртиысь пыриськисьёсты кык валтӥсь номинациосын пусйизы:

- «Лучшее учебное издание» - «Удмуртия» книгапоттониез 1-тӥ, 2-тӥ, 3-тӥ, 4-тӥ классъёслы «Ӟеч-а, бур-а, удмурт кыл!» учебниеъёс понна;
- «Лучшее электронное издание» - Удмуртиысь йӧскалык лыдӟетъюртэз «М.Т. Калашников — Гражданин Мира: к 100-летию со дня рождения конструктора» библиографи указатель понна.

Нимысьтыз номинациосын:

- «Лучшая книга Удмуртии» - «Удмуртия» книгапоттоннилэн «Удмурты. Тайна тамги» книгаез;
- «Книга года» - «Удмуртия» книгапоттоннилэн «Секреты удмуртских мастеров» книгаез.

Ватсалом, «Книга года на родине П. И. Чайковского» улосвылкуспо фестивалез-вожвылъяськонэз Удмуртиысь йӧскалык лыдӟетъюрт элькунысь лулчеберетъя министерство, йӧскалык политикая министерство но печатья но калыке ивортодэт вӧлмытонъя агентство юрттэмен радъяз.

Тодэ вайытом, азьвылгес издательстволэн та книгаосыз Москваын «Красная площадь» книгае фестивальын но «Манежын» калыккуспо книга ярмаркаын, Рязаньын улосвылкуспо книга фестивальын кузьымъёс басьтылӥзы, озьы ик Ашхабадын калыккуспо адӟытонын-ярмаркаын Азьмуртлэн дипломеныз пусъемын вал. 



Наверх
Вниз