21 -тӥ коньывуон 2020 Вирнунал
18+

«Шудор» музей-юртлэсь тодметпуссэ бырйизы Сьӧлта ёросын

  • 78
  • 0
Сьӧлта / Удмуртия
«Шудор» музей-юртлэсь тодметпуссэ бырйизы Сьӧлта ёросын
Туспуктэм: vk.com (Удмурт Кенеш Селты)

Сьӧлта ёросын Зямай (Малый Жайгил) гуртысь вуоно «Шудор» музей-юртлэсь тодметпуссэ кылдытонъя вожвылъяськонлы йылпумъянъёс лэсьтӥзы. Вормисе кык нылмуртъёслэн ужъёссы потӥзы. Со сярысь ивортодэтъя «Удмуртия» агентстволы ӵектослэн кивалтӥсез, Сьӧлта ёросысь шаертодонъя музейлэн кивалтӥсез Наталья Русских вераз.

Нырысетӥ туре сизьым адями пыриськиз, укмыс ужъёс возьматӥзы. Жюрилы капчи ӧй вал. Кыкетӥ туре куинь мурт потӥз, соослы логотипъёссы бордын эшшо ужаны ӵектӥзы. 12-тӥ коньывуонэ конкурслы йылпумъянъёс лэсьтэмын но вормисьёс быръемын вал. Со кык нылмуртъёс – Обухова Ирина Сергеевна, Сьӧлта ёрос лыдӟетъюртысь библиотекарь, но Гусева Лариса Сергеевна, Сьӧлтаысь начальной школаысь дышетӥсь
Наталья Русских, «Шудор» музей-юрт» ӵектослэн кивалтӥсез

Вормисьёс куать пумо тодметпусъёс ӵектӥзы, соосты пӧртэм амалэн кутыны луоз: кызьы печатлам продукциын, озьы ик значокъёс, бейджъёс вылын но мукет.

Вормисе потэм логотипъёс
Вормизы пусъем бамъёс вылысь логотипъёс vk.com (Удмурт Кенеш Селты)

Озьы ик Наталья Рускихлэн верамезъя, али «Калмезские удмурты: что знали, да забыли» бичет дасян бордын ужало. Отчы калмез удмуртъёслэн лулчеберетсы, историзы, йылолъёссы, шудонъёссы, сиён-юонъёссы сярысь ивортонъёсты люкалозы.

Тодэ вайытом, калмез удмуртъёслэсь музей-юртсэс кылдытонъя ӵектос Азьмуртлэн грантъёсъя фондысьтыз коньдон утӥз. Али Зямайын лэсьтӥськон ужъёс, ваньбурлыко (материальной) но ваньбурлыктэм (нематериальной) лулчеберетэз люкан азьланьтӥсько. Музеез 2021-тӥ арын куартолэзе усьтыны малпало. 



Наверх
Вниз