21 -тӥ коньывуон 2020 Вирнунал
18+

Йӧскалык дӥськутъя онлайн адӟытон-вожвылъяськон ялӥзы Яр ёросын

  • 48
  • 0
Яр / Удмуртия
Йӧскалык дӥськутъя онлайн адӟытон-вожвылъяськон ялӥзы Яр ёросын
Туспуктэм: Григорий Фомин

Удмуртилэн кунлыкезлы 100 ар тырмонэз пусъён улсын Яр ёросын йӧскалык дӥськутъя «Дыр удмурт луыны!» («Время быть удмуртом!») адӟытон-вожвылъяськон ялӥзы. Ужрад онлайн амалэн ортчоз, радъясьёс берло куинь аръёсы лэсьтэм ужъёслэсь туспуктэмъёссэс возьмало. Со сярысь ивортодэтъя «Удмуртия» агентстволы Ярысь Чеберлыко киужъёсъя центрлэн кивалтӥсез Анна Владыкина вераз.

Вожвылъяськон куинь ӧръёсъя мыноз:

- йӧскалык дӥськут (дӥськутлэн люкетъёсыз: юбка, айшет, кабачи, муресазь но мукет;)
- аксессуар (сумка, пыдвыл, пӧзь но мукет);
- чеберъяськонъёс.

Мон пӧртэм амалъёсын тыршисько адямиослы возьматыны, кызьы соосты татын но туннэ нуллыны луэ. Чеберъяськонъёсын, кыӵе элементъёсын
Анна Владыкина, Ярысь Чеберлыко киужъёсъя центрлэн кивалтӥсез

Туспуктэм киужъёсты 2-30 шуркынмонэ Чеберлыко киужъёсъя центрлэн «ВКонтакте» но «Инстаграм» мерлыко вотэсъёсысь бамаз учкыны луоз. Вожвылъяськонлы йылпумъянъёс 4-тӥ толсуре лэсьтозы. Котькуд ӧрын куинь нырысетӥ интыосты басьтӥсьёсты дипломъёсын но кузьымъёсын пусъёзы.

Адӟытон-вожвылъяськонлэн ужпумез - уйпал удмуртъёслэн туала калык дӥськутэнызы тодматон, калык лулчеберетэн тунсыкъяськонэз будэтон, выль кибашлыосты шараян, калыкез ёросысь усточиосын но соослэн ужъёсынызы тодматон.

Тодэ вайытом, та дыре Ижкарысь Кузебай Герд нимо йӧскалык музейын элькунамы улӥсь калыкъёслы сӥзем адӟытон ужа



Наверх
Вниз