Ижкар-6 °C
27 -тӥ шуркынмон 2020 Удмуртарня
18+

Театръёслы но кинотеатръёслы ужаны лэзизы Удмуртиын

  • 116
  • 0
Ижкар / Удмуртия
Театръёслы но кинотеатръёслы ужаны лэзизы Удмуртиын
Туспуктэм: Григорий Фомин

17-тӥ шуркынмонысен Удмуртиын театръёслы, кинотеатръёслы, концерт залъёслы, лулчеберет юртъёслы ужаны лэзизы. Со сярысь улосвыл тӧролэн но кивалтэтлэн пресс-службазы ивортӥз.

Та ужъюртъёс 8 часысен 23 часозь ужаны быгато

Со дыре ик радъясьёс кӧня ке куронъёсты быдэсъяны кулэ:

- учкисьёс залын ог-огзылэсь 1 метр кемын пукыны кулэ (соос одӥг семьяысь ӧвӧл ке);
- билетъёсты вузанэз кусып возьытэк радъяно (автоматъёс, мобильной ватсэтъёс пыр);
- билетъёсты чакланэз электрон билетъёслэсь штрих-кодзэс лыдӟыны быгатӥсь тӥрлыкез уже кутыса радъяны тыршоно;
- залъёсы пырон,кылӥськон-дӥсяськон азьын, буфетъёсын трос учкисьёс медаз люкаське;
- лыктӥсь но кошкись учкисьёсты люкыны кулэ, огъя интыосын адямиослэн виссы 1,5 метр луыны мед быгатоз;
- учкисьёслэн но артистъёслэн кусыпъёссы медаз луэ (учкисьёсты сцена вылэ тубыны артистъёслы залэ васькыны, сяськаос, кузьымъёс сётъяны ӧвӧл лэзёно);
- спектакльёс, концертъёс но возьматонъёс бере юртъёсын шулдыръяськон ужрадъёс ӧвӧл ортчытъяно.

Со сяна, 17-тӥ шуркынмонысен физкультура ужрадъёсты кырын гинэ ӧвӧл, спортъя огъетъёсын но ортчытъяны лэзизы. Но 10 ареслэсь пичи, 65 ареслэсь бадӟым пыриськисьёс луыны кулэ ӧвӧл. Озьы ик залъёсты учкисьёсты уз лэзе.

Тодэ вайытом, 17-тӥ шуркынмонысен Удмуртиын коронавирус сэрен ватсаса сюбегатонъёс кутӥзы.



Наверх
Вниз