Ижкар-6 °C
27 -тӥ шуркынмон 2020 Удмуртарня
18+

«Шахматы» фестивален усьтӥськоз Удмуртиысь кун филармония 23-тӥ шуркынмонэ

  • 56
  • 0
Ижкар / Удмуртия
«Шахматы» фестивален усьтӥськоз Удмуртиысь кун филармония 23-тӥ шуркынмонэ
Туспуктэм: Алексей Арзамасцев

Удмуртиысь кун филармония ужзэ 23-тӥ шуркынмонэ «Шахматы» фестивален азьланьтоз. Со сярысь ивортодэтъя «Удмуртия» агентстволэн корреспондентэзлы ужъюртлэн кивалтӥсез Алексей Фомин вераз.

Ми дасям бадӟым фестиваль, кудзэ ми турттӥськом вал ини 15-тӥ коньывуонэ сётыны, но милемлы ӧз лэзе. Но туннэ нуналлы ми со фестивальмес поттӥськом - 23-тӥ шуркынмонэ ми кутскомы бадӟым фестивальысен, малы ке шуоно таӵе шумпотонлы кулэ бадӟым фестиваль
Алексей Фомин, Удмуртиысь кун филармонилэн кивалтӥсез

Фестивалез юнме «Шахматы» ӧз нималэ. Кызьы валэктӥз Алексей Фомин, сыӵе малпан Роспотребнадзорлэн учкисьёсты шахмат амалэн пуктыны куронэз сётӥз.

Концертъёс бӧрсьысь сизьым ӝыт мынозы

Филармониын концертъёс дыръя одно ик вань сюбегатонъёсты быдэсъялозы. Пырись-потӥсьёслэсь температуразэс мерталозы, антисептикен дозаторъёс луозы.

Ми туж тыршомы эскерыны куронъёсты, ӵектонъёсты, малы ке шуоно 35 арня ужатэк, ми валаськом, та милям ужаны кутскыны зэмос луонлыкмы. <...> Татын курем потэ концертэ валаса, маска дӥсяса лыктыны. Крезьгурез воксё кылзӥськымтэлэсь, маскаен кылзӥськыны умойгес. Соин ик ми сое эскером, тыршомы вераны со кулэ шуыса, учкисьёслы сяна, милемлы но. Малы ке шуоно нош ик пытсаськеммы милям уг поты ни
Алексей Фомин, Удмуртиысь кун филармонилэн кивалтӥсез

Трос калык люкаськон учыръёс медаз луэ шуыса, выл дӥсез гардеробе концерт кутскемлэсь кык часлы азьвыл сётыны луонлык луоз, нош залэ пырыны – часлы азьвыл.

Гардеробмес, концерт сизьым часын кутскиз ке, вить часын усьтом ини. Калык валаса та борды кутӥськыны кулэ, малы ке шуоно вить часысен луоз луонлык адямитэк кылиськыны. Залмес но куать часын усьтом ини, куке ми пандемия дорозь 15 минутлы гинэ концертлэсь азьвыл усьтӥськом вал
Алексей Фомин, Удмуртиысь кун филармонилэн кивалтӥсез

Буфет ужан ласянь али кенешо на, но кивалтӥсь оске, сое но усьтозы шуыса. Но вузалозы нимаз упаковкае понэм вузъёсты гинэ. Кылсярысь, мызен, горд чорыген бутербродъёс басьтыны уз луы.

Концертъёс одӥг отделениен луозы

Алексей Фомин пусйиз, филармониысь вань коллективъёс ужаны дасесь но концертъёсты кемалась витё ини.

Ваньзы пӧсьтолэзе ик потӥзы ини ужаны. Гужем толэзьёсы ми кырын, паркъёсын пумиськылӥм, пӧсьтолэзе-гудырикошконэ 18 концерт ортчытыны быгатӥм. Симфони оркестрмы но Шор площаде но, Фан-зонае но потаз. Туннэ нуналлы ми ужаськом, тыршиськом, быгатонлыкъёсмес будэтӥськом. Малпасько, учкисьёсмы быгатозы дунъяны милесьтым ужмес
Алексей Фомин, Удмуртиысь кун филармонилэн кивалтӥсез

Тодэ вайытом, Удмуртиысь театръёслы, кинотеатръёслы, концерт залъёслы 17-тӥ шуркынмонэ ужаны лэзизы. Удмурт йӧскалык театр нырысетӥ спектакльёссэ толсур кутсконын возьматыны чакла.



Наверх
Вниз