Ижкар-11 °C
4 -тӥ толсур 2020 Удмуртарня
18+

Гракысь лулчеберет юртэз тупатъязы федерал ӵектос улсын

  • 62
  • 0
Грак / Удмуртия
Гракысь лулчеберет юртэз тупатъязы федерал ӵектос улсын
Туспуктэм: Удмуртиысь тӧролэн но кивалтэтлэн пресс-службазы

Грак черкогуртысь «Лидер» ёрос лулчеберет юртэз «Единая Россия» партилэн «Культура малой Родины» федерал ӵектосэз улсын тупатъязы. Со сярысь элькун тӧролэн но кивалтэтлэн пресс-службазы ивортӥз.

Ужъёслы 3 миллион манетлэсь трос коньдон висъязы. Ужъюртлэсь азьпалзэ тупатъязы, борддоръёссэ минерал ватаен шунытгес каризы, вылзэ керамогранит плитаен шобыртӥзы.

Грак ёрос пӧртэм ӧръёсъя, лулчеберет ласянь но, азинскись муниципал кылдытэт луэ. Оскисько, вуоно арын ми ужмес азьланьтыны быгатом, нырысь ик та объектын, тупатъян ужъёсты йылаз-пумаз вуттом. Та зэмзэ но ёрос понна валтӥсез лулчеберет юрт - татын вань валтӥсь ужрадъёс ортчо
Владимир Соловьёв, Удмуртиысь лулчеберетъя министр, «Культура малой Родины» федерал ӵектослэн элькунъя координаторез

Тупатъям культура юртэз усьтонлы сӥзьыса, Ашальчи Оки нимо шаертодонъя ёрос музей кылбурчилэн туспуктэмъёсыныз адӟытон радъяз. Искусствоосъя нылпи школа суредъёсын адӟытонзэ поттӥз. Ёрос лыдӟетъюрт «Удмуртия» издательствоысь выль вуэм книгаосын тодматӥз, пӧртэм тунсыко шудонъёс ортчытӥз. Фойеез Грак ёросын улӥсь вить пӧртэм калыкъёслэн костюмъёсынызы чеберъязы. Куноосты ужъюртысь творчествоя коллективъёс шулдыртӥзы.

Пусъём, лулчеберет юртын нылпиослы, егитъёслы но мӧйыослы 19 кружокъёс ужало, отчы 250 адями ветлэ.

Вуоно арын Грак ёросысь Каменной гуртын лулчеберетъя но шутэтсконъя центр пуктыны чаклало.

Тодэ вайытом, Тодэ вайытом, азьвылгес Каракулино ёросын тупатъям бере лулчеберетъя кык юртэз усьтӥзы.

Ватсалом, Удмуртиын 17-тӥ шуркынмонысен театръёслы но лулчеберет юртъёслы ужаны лэзизы. Ижкарысь кун филармония ужзэ 23-тӥ шуркынмонысен азьланьтоз, нош йӧскалык театр – толсурысен



Наверх
Вниз