Ижкар-6 °C
27 -тӥ шуркынмон 2020 Удмуртарня
18+

Алла Кузнецовалы сӥзем литература караоке ортчытӥзы Дэри ёросын

  • 67
  • 0
Люк / Удмуртия
Алла Кузнецовалы сӥзем литература караоке ортчытӥзы Дэри ёросын
Туспуктэм: f-uffu.udsu.ru

Дэри ёросысь Люк черкогуртысь лыдӟетъюртын удмурт кылбурчилы Алла Кузнецовалы сӥзем «Догорал закат…» литература караоке ортчытӥзы. Со сярысь ивортодэтъя «Удмуртия» агентстволэн корреспондентэзлы библиотекаен кивалтӥсь Вера Стрельникова вераз.

Радъясь кылбуръёс быръе но соосты ужрадэ пыриськисьёсты кыӵе ке крезьгуръя лыдӟыны косэ.

Таӵе малпан мыным витьымтэ шорысь лыктӥз. Али удмурт лулчеберетлы сӥзем толэзь мынэ. Со сяна, Алла Кузнецовалы 80 арес тырмоз. Мар ке но ортчытоно шуыса малпай. Алла Кузнецова сярысь лыдӟиськи, кылбуръёсыз кырӟанъёс луэмын шуыса тодӥ. Соин таӵе ужрад тунсыко луысал потӥз. Жаляса верано, милям удмурт вераськись калыкмы трос ӧвӧл. Но Алла Кузнецовалэн ӟуч кылбуръёсыз но вань ук
Вера Стрельникова, Люк черкогуртысь лыдӟетъюртэн кивалтӥсь

Ужрадэ эпидеми югдурен сэрен трос адями ӧз пыриськы ке но, ваньзы ик таӵе тунсыко амал яраз шуыса пусйизы. Люкаськемъёс Алла Кузнецовалэсь «Догорал закат…», «Вечер гладит ласковой ладошкой…», «Заветное», «Ой да, не соловушка на зорьке распевал…», «Не с тобой…» кылбуръёссэ лыдӟизы. Вераськыса, кенешыса, чай юизы.

Вера Стрельникова пусйиз, кылбуръёс туж чебер чузъяськизы шуыса, пыриськисьёс ваньзы ик Алла Кузнецовалэсь мылкыдъёссэ ас вылазы шӧдӥзы, ужрад туж шуныт ортчиз. 

Тодэ вайытом, коньывуонэ Дэри ёросын удмурт кылбурчилы Алла Кузнецовалы вордӥськем дырысеныз 80 ар тырмонлы сӥзем «Кузнецовские чтения: Ошмесо крезьгуре – вордӥськем шаере» онлайн-акция радъязы. Нош Яр ёросысь лыдӟетъюрт удмурт кылэз тодонъя батл ортчытэ.



Наверх
Вниз