Ижкар-11 °C
4 -тӥ толсур 2020 Удмуртарня
18+

Удмуртиысь лулчеберет удысын ужасьёс «Ӧнерчи» дышетон программае пыриськизы

  • 48
  • 0
Ижкар / Удмуртия
Удмуртиысь лулчеберет удысын ужасьёс «Ӧнерчи» дышетон программае пыриськизы
Туспуктэм: vk.com (Владимир Соловьев)

Удмуртиын мерлыко но лулчеберет ӵектосъёс кылдытонъя но добровольчествоя «Ӧнерчи» дышетон программа йылпумъяськиз. Ӵектослэн берпуметӥ люкетаз – элькун форуме – лулчеберет удысысь волонтёръёс, культура юртъёсысь, музейёсысь, лыдӟетъюртъёсысь 60 ӧнерчиос пыриськизы. Со сярысь улосвыл тӧролэн но кивалтэтлэн пресс-службазы ивортӥз.

Дышетон улсын лулчеберет удысын ужасьёс ӵектосъёс дасян, грантъёсъя вожвылъяськонъёсы куриськонъёс сётон ласянь тодон-валанъёс люказы. Тросэз ӵектосъёс историен но лулчеберетэн герӟаськем синпелетъёсты утёнэ но улӟытонэ ӧръямын вал.

Экспертъёслэн дунъямзыя ӵектосъёсъя вожвылъяськонын вормизы:

- Дэбес ёросысь Дмитрий Смолянский «Памятник Александру Анатольевичу Тимофееву» ӵектосэныз;
- Сюмси ёросысь Елена Варгина «И к селу, и к городу» ӵектосэныз;
- Шаркан ёросысь Зинаида Софронова но Ольга Ефремова «Пространство творчества в доме купца Зонова» ӵектосэнызы.

Табере лулчеберет удысысь волонтёръёс кичӧлтонъёссэс Удмуртиысь Добровольчествоя ресурс центрен ӵош улонэ пыӵатозы.

Озьы ик форум улсын «Актуальные проблемы разработки социально-культурных проектов» котырес ӝӧк ортчиз.

«Ӧнерчи» дышетон программа – Калык творчествоя элькун юртлэн но интыысь кичӧлтонъёслы юрттонъя «Содружество» фондлэн ӵектоссы. Со «Культура» йӧскалык ӵектос улсын Россиысь Культурая министерстволэн волонтёръёслы грантъёсъя вожвылъяськоназ вормиз. 

Тодэ вайытом, Удмуртиысь Калык творчествоя элькун юрт но тодосчиос фольклоръя но этнографияя огъя сайт кылдытон борды басьтӥськизы



Наверх
Вниз