Ижкар+18 °C
9 -тӥ куартолэзь 2021 Воскресенье
18+

«ДаУр!» ӵектосын вормисьёсты пусйизы Удмуртиын

  • 118
  • 0
Ижкар / Удмуртия
«ДаУр!» ӵектосын вормисьёсты пусйизы Удмуртиын
Туспуктэм: Удмуртиысь тӧролэн но кивалтэтлэн пресс-службазы

1-тӥ толсуре Удмуртиын «ДаУР!» элькун ӵектослы йылпумъянъёс лэсьтӥзы. Улосвыллэн тӧроез Александр Бречалов творчествоя вожвылъяськонлэн куать ӧръёсаз вормисьёсты но финалистъёсты пусйиз но туризмъя квестэ пыриськисьёсты ӟечкылаз. Со сярысь элькун тӧролэн но кивалтэтлэн пресс-службазы ивортӥз.

Ӵектос бере интернет элькунмылэн паймымон инкуазь суредъёсыныз, лулчеберетъя но шутэтсконъя ужъюртъёсыныз фото- но видеоконтентэн тырмемын – вунонтэм мылкыдъёс басьтон понна милям зэмзэ но вань мае учкыны. Озьы Удмуртия сярысь Россилэн мукет улосвылъёсаз тросгес улӥсьёс тодозы, соослэн ваньзэ сое ас синмынызы адӟемзы потоз
Александр Бречалов, Удмуртилэн тӧроез

Ӵектослэн творчествоя вожвылъяськоназ вормисьёс но финалистъёс луизы:

«Пейзаж» ӧрын:

- 1-тӥ инты – Денис Вахрушев (Ершовская дубрава);
- 2-тӥ инты – Юлия Булатова (Карамас-Пельга);
- 3-тӥ инты – Николай Сойнов (Болтачево).

«Серия фото» ӧрын:

- 1-тӥ инты – Анна Ивонина;
- 2-тӥ инты – Александр Меньшиков;
- 3-тӥ инты – Андрей Ложкин.

«Описание» ӧрын:

- 1-тӥ инты – Наталья Платонова (Бачкей гуртысь «Этапный пункт» музей);
- 2-тӥ инты – Владимир Трефилов («Чёрные глубины Дикого озера»);
- 3-тӥ инты – Полина Куликова («Екатерининские дубы»).

«Личная история» ӧрын:

- 1-тӥ инты – Данил Соловьёв;
- 2-тӥ инты – Екатерина Кондратьева;
- 3-тӥ инты – Дарья Рябова.

«Оригинальное место» ӧрын:

- 1-тӥ инты – Николай Орлов (Удмуртиысь Ботанической сад);
- 2-тӥ инты – Александра Муратдымова (дуриськонъя «Морок» музей огъет);
- 3-тӥ инты – Ольга Верняева (Удмуртилэн географияя шорыз).

«Приз зрительских симпатий» нимысьтыз ӧрын «Тылыс» центрысь туспуктэмъёсыныз Елизавета Ипатова вормиз.

Вань вормисьёслы кузьымъёс сётӥзы. Нырысетӥ инты поннам – походъёсы ветлыны кулэ луись арбериосын туристлы рюкзак, кыкетӥ инты понна - Power bank, монопд но селфи кульчо, куинетӥ инты понна – «ДаУР!» дождевик. Озьы ик вань финалистъёс юри лэсьтэм свитшот, термокружка но изьы (бафф) басьтӥзы.

«ДаУР!» квестын вормизы:

- 1-тӥ инты (100 интыосы вуылӥзы) - Кондратьевъёслэн семьязы, Ольга Шафранова, Азат Фаттахов;
- 4-8 интыос (99 интыосы вуылӥзы) – Орловъёслэн, Санниковъёслэн семьяоссы, Ольга Шабалова, Сергей Ельцов, Закировъёслэн семьязы;
- 9-10 интыос (98 интыосы вуылӥзы) – Перевощиковъёслэн, Назаровъёслэн семьяоссы.

Нимысьтыз кузьым Абашевъёслэн семьязы басьтӥз

Квестын вормисьёслы фотоаппарат, гурезьёстӥ ворттылон велосипед, ньыль интыем палатка кузьмазы, вань финалистъёслы электросамокатъёс сётӥзы.

Озьы ик 75, 50 но 25 интыосы вуылэмъёсты пусйизы. 



Наверх
Вниз