Ижкар-1 °C
26 -тӥ толшор 2021 Пуксён
18+

Вавож ёросысь Кионгуртын школа пуктон ужъёсты йылпумъязы

  • 101
  • 0
Кионгурт / Удмуртия
Вавож ёросысь Кионгуртын школа пуктон ужъёсты йылпумъязы
Туспуктэм: vk.com (Александр Бречалов)

Вавож ёросысь Кионгуртын (Большое Волково) 160 интылы чаклам школаез пуктон ужъёсты йылпумъязы. Со сярысь Удмуртилэн тӧроез Александр Бречалов «ВКонтакте» мерлыко вотэсысь бамаз ивортӥз.

Школалэн азьвыл юртэз 1970-тӥ арын пуктэмын вал, 2016-тӥ арын сое куашкан калэ вуэмен лыдъязы. Дышетӥсьёс но пиналъёс гуртысьтызы лулчеберет юртэ выжизы.

Гуртын улӥсьёсын мон тодматски Удмуртиысь ёросъёсы нырысьсэ потан дыръям. Мыным соку ик веразы, выль школаез пуктон – ёрослэн одӥгез валтӥсь сюлмаськонэз. <…> Ньыль ар пала ортчыса, пиналъёс туала выль кабинетъёсын дышетскыны, спортэн вырыны быгатозы: татын выль стадион но спортзал пуктӥзы
Александр Бречалов, Удмуртилэн тӧроез

Школаын спортлы котьку бадӟым саклык висъяллязы, нош табере капчиатлетъёслы, куасэн бызьылӥсьёслы, волейболистъёслы тренировкаос ортчытъяны вань луонлыкъёс кылдытэмын.

Выль школаын туала интерактивной тӥрлык луоз, нош 2022-тӥ арын отын «Точка роста» центр усьтыны чаклало.

Тодэ вайытом, Удмуртиысь кык педагогъёс анай кылъя дышетӥсьёслэн огъяросси мастер-классазы вормизы




Наверх
Вниз