Ижкар-1 °C
26 -тӥ толшор 2021 Пуксён
18+

Йӧскалык ӵектосъя 1 сюрс 400 пала интыос усьтозы нылпи садъёсын Удмуртиын 2021-тӥ арын

  • 53
  • 0
Ижкар / Удмуртия
Йӧскалык ӵектосъя 1 сюрс 400 пала интыос усьтозы нылпи садъёсын Удмуртиын 2021-тӥ арын
Туспуктэм: Полина Уразова

2021-тӥ арын Удмуртиын «Демография» йӧскалык ӵектос улсын 1 сюрс 380 интылы 14 нылпи садъёс пуктозы. Со сярысь элькун тӧролэн но кивалтэтлэн пресс-службазы ивортӥз.

Нылпи садъёс кылдозы: Ижкарын Машиностроительёслэн городоказы но 8-тӥ микрорайонын, Вотка карын Ленинградской урамын, Дэбес черкогуртын, Каракулино черкогуртын, Кез каргуртын, Кизнер каргуртын, Балезино ёросысь Вӧёгуртын, Дэри ёросысь Хохряки, Лудорвай гуртъёсын, Пӧсьтол, Люкшудья, Юсь черкогуртъёсын, Сарапул ёросысь Шевырялово черкогуртын.

Тодэ вайытом, 2020-тӥ арын Удмуртиын куать нылпи садъёсты усьтӥзы.

Озьы ик йӧскалык ӵектос улсын конкурс амалэн спортъя огазеяськонъёслы спорт тӥрлык но нылпиослы спортъя дасяськонэз радъяны коньдонэн юрттэт висъялозы. Озьы, 2021-тӥ арын Удмуртиын ГТО куронъёсты сётонъя кык выль площадкаос кылдозы но «Купол» стадионлы тӥрлык ваёзы. Нош «Ижсталь» йӧ двореце йӧ кисьтыны нимысьтыз машина басьтозы. 



Наверх
Вниз