Ижкар-13 °C
28 -тӥ тулыспал 2021 Воскресенье
18+

Грак ёросысь школаез элькун программая рос-прос тупатъязы

  • 58
  • 0
Грак / Удмуртия
Грак ёросысь школаез элькун программая рос-прос тупатъязы
Туспуктэм: vk.com (Виктор Белов)

«Большой ремонт» элькун программа улсын Грак ёросысь Конзавод (Заречный) черкогуртысь школаез рос-прос тупатъязы. Со сярысь ёрослэн тӧроез Виктор Белов «ВКонтакте» мерлыко вотэсысь бамаз ивортӥз.

Тупатъян ужъёс 2020-тӥ арын 26-тӥ шуркынмонысен 2021-тӥ арын 19-тӥ толшорозь кыстӥськизы. Со вакытэ пиналъёс Порымысь школаын дышетскизы.

«Большой ремонт» элькун программалы луыса дышетон огазеяськон выльдӥськиз, вань школа висъетъёс югыт, вӧл-вол но туала луизы
Виктор Белов, Грак ёрослэн тӧроез

Лэсьтӥськисьёс дышетскон кабинетъёсысь, коридоръёсысь, лыдӟиськон залысь, дӥсь возён висъетысь выжъёсты рос-прос тупатъязы, сиськонниын керамика плитка понӥзы, вӧлдэтъёсты выльдӥзы, тубатъёс дорысь, сиськонниысь ӧсъёсты тылпулэсь утиськон куронъёсъя воштӥзы, озьы ик вань кабинетъёсы выль ӧсъёс пуктӥзы, тылпу потон сярысь ивортӥсь сигнализациез, пырон азьзэ выльдӥзы, технология кабинетысь эвакуационной пырон-потон тупатӥзы. Вань борддоръёсты ӵошкытатӥзы но буязы.

Ужъёслы элькун но ёрос коньдэтысь оглом 4 миллион 160 сюрс манет висъязы

Та дыре школаез пиналъёсты пумитаны дасяло.

Виктор Белов ивортэмъя, Заречный черкогуртысь школаез 1981-тӥ арын пуктӥзы. Ужъюрт вазенгес ик рос-прос тупатъямез кулэ каре вал ини. Берло аръёсы школаын буян ужъёс нуизы, липетсэ, троссэ вуж укноосэ пластиклэсь укноослы воштӥзы, шуныт сётон сӧзнэтэз тупатъязы, инженер коммуникациосты выльдӥзы, спортзалэз, школалэсь корказьзэ но мукетсэ тупатъязы. 

Тодэ вайытом, Ижкарын «Большой ремонт» ӵектос улсын 77 мерлыко ужъюртъёслэсь липетъёссэ выльдӥзы



Наверх
Вниз