Ижкар-18 °C
26 -тӥ тулыспал 2021 Удмуртарня
18+

Можгаын но Воткаын поликлиникаос пуктыны кутскозы Удмуртиын 2021-тӥ арын

  • 342
  • 0
Ижкар / Удмуртия
Можгаын но Воткаын поликлиникаос пуктыны кутскозы Удмуртиын 2021-тӥ арын
Туспуктэм: Руслан Нуриахметов

2021-тӥ арын Удмуртиын кык поликлиникаос но кык амбулаториос пуктыны кутскозы. Со сярысь элькун тӧролэн но кивалтэтлэн пресс-службазы ивортӥз.

Воткаын ёрос эмъяськоннилы поликлиника пуктыны ӧдъялозы, отын нуналаз 630 адямиез кутозы. Выль юртын участковой терапевтъёслы, нимаз ӧръёсъя эмчиослы ватсаса висъетъёс, туала тӥрлыкен лаборатория но профилактика ёзэт луозы. Та дыре поликлиника 1906-тӥ арын пуктэм юртын ужа, со нуналаз 400 вазиськисьёсты кутыны чакламын, нош зэмзэ 600-лэсь трос адями лыктэ. 

Можгаын нылпи поликлиника лэсьтозы. Эмъяськонни борды Можгаысь но ёросысьтыз 18 сюрс 356 пиналъёс юнматэмын. Ӵектосъя выль юрт нуналаз 300 пиналъёсты кутыны чакламын, озьы ик нуназе ужась стационарез луоз.

Со сяна, Дэри ёросын Хохряки гуртын но Ягул черкогуртын выль амбулаториос пуктыны малпало.

Та гуртъёсысь амбулаториос – кемалась кисьмам ужпум. Мерлыко эскеронъёсты учконо ке, Хохрякиын ялан яке огдыре 24 сюрс пала адями улэ, нош пусъемын 5 пала гинэ. Выль амбулаториосты пуктон дыраз но кулэ эмъюрттэт басьтыны луонлык сётоз
Ярослав Семёнов, Удмуртиысь кивалтэтлэн тӧроез

Нырысетӥ эмъюрттэт сётон сӧзнэтэз выльдон «Здравоохранение» йӧскалык ӵектосъя мынэ. 2021-тӥ арын элькунын эмъюртъёсты тупатъян но пуктон, выль тӥрлык басьтон ужъёсты азьланьтозы. Кылсярысь, 22 ёрос эмъяськонниосы 47 рентген аппаратъёс вуозы, озьы ик выль тӥрлык вирсэр центръёсы но вирсэр ёзэтъёсы басьтозы. 



Наверх
Вниз