Ижкар+12 °C
16 -тӥ оштолэзь 2021 Удмуртарня
18+

Шаркан черкогуртын лулчеберетъя но шутэтсконъя центр усьтӥзы

  • 454
  • 0
Шаркан / Удмуртия
Шаркан черкогуртын лулчеберетъя но шутэтсконъя центр усьтӥзы
Туспуктэм: Константин Вознесенских

4-тӥ южтолэзе 2021-тӥ арын Шаркан черкогуртын лулчеберетъя но шутэтсконъя центрлэсь выль юртсэ усьтӥзы. Табере отысь 48 кружокъёсы 1 сюрслэсь трос адями ветлыны быгатоз. Со сярысь журналистъёслы элькунлэн тӧроез Александр Бречалов вераз.

Юртэз «Гурт интывылъёсты котыр ласянь азинтон» («Комплексное развитие сельских территорий») ӵектосъя пуктӥзы.

Шаркан ёросэ гинэ 500 миллион манет пала вуиз. Лулчеберетъя но шутэтсконъя центр гинэ ӧвӧл, Сосновкаын туж усто пӧрмем лулчеберет юртэз но трос-трос мукет ӵектосъёсты ми быдэстӥмы
Александр Бречалов, Удмуртилэн тӧроез

Улосвыллэн тӧроез Россиысь гурт возёсъя министрелы Дмитрий Патрушевлы ӵектосэз улонэ пыӵатыны юрттэмез понна тау карон кылъёс вераз.

Оскиськом, асьме муниципал кылдытэтъёсын матысь аръёсы та выллем ик объектъёс кылдылозы. Гуртын ужасьёсты азинтон понна туж кулэ шуыса малпасько
Ольга Абрамова, Удмуртиысь кивалтэтлэн тӧроезлэн воштӥсез - гурт возёсъя но сиён-юонъя министр

Выль юртын нырысетӥез ужрад луиз 2020-тӥ арын элькунысь пудо вордон удыслэн ужамезлы йылпумъянъёслы сӥзем сиё-дано ужрад, озьы ик праздниклы концерт ортчытӥзы.

Ватсалом, центрез пуктыны 2013-тӥ арын кутскизы. Лэсьтӥськон ужъёсты 2017-тӥ арын йылпумъяны ужпум пуктӥзы вал, но корка пыронэз шарканъёслы кемагес возьмано луиз.  



Наверх
Вниз