Ижкар+13 °C
13 -тӥ куартолэзь 2021 Покчиарня
18+

Ижкарын Ленин ёросысь 150 интылы нылпи садэз вуттозы 2021-тӥ арын

  • 717
  • 0
Ижкар / Удмуртия
Ижкарын Ленин ёросысь 150 интылы нылпи садэз вуттозы 2021-тӥ арын
Туспуктэм: vk.com (Ярослав Семёнов)

Ижкарын Машиностроительёслэн посёлоказы 150 интылы чаклам выль нылпи сад пукто. Лэсьтӥськонэз 2021-тӥ аырн йылпумъяны кулэ. Со сярысь «ВКонтакте» мерлыко вотэсысь бамаз элькун кивалтэтлэн тӧроез Ярослав Семёнов ивортӥз.

Со Ленин ёросын нылпи садъёсы интыосын югдур секыт шуыса пусйиз. Та дыре отын 30 пала нылпи садъёс ужало, берлозэ 220 интылы нылпи садэз 2019-тӥ арын йӧскалык ӵектос улсын пуктӥзы. 

Озьы ке но, со тырмыт ӧвӧл. Машиностроитель посёлок сярысь верано ке, отын интыослы кулэяськон уката лэчыт сылэ, малы ке шуоно кар паськыта, коттеджъёсын выль посёлокъёс, нимаз пуктӥськыны микрорайонъёс кылдо
Ярослав Семёнов, Удмуртиысь кивалтэтлэн тӧроез

Тодэ вайытом, туэ Удмуртиын 14 нылпи садъёс усьтыны малпало. Тросаз чаклам объектъёсын ужъёс кутскизы ини. Воткаын но Дэри ёросысь Хохрякиын ясли лэсьтон бордын тыршо. Дэри ёросысь ик Юсь черкогуртын фундамент дасязы ини, Лудорвайын – борддоръёс ӝутӥзы. Кезын липиськон ужъёс мыно, Кизнерын, Дэбесын но Дэри ёросысь Постолын – пуш ужъёс. Ижкарысь 8 номеро микрорайонын нылпи сад 45 процентлы дась.



Наверх
Вниз