Ижкар-4 °C
5 -тӥ толсур 2021 Воскресенье
18+

Пичи Пурга ёросын лулчеберет юртэз тупатъяны кутскизы

  • 199
  • 0
Уча / Удмуртия
Пичи Пурга ёросын лулчеберет юртэз тупатъяны кутскизы
Туспуктэм: Григорий Фомин

Пичи Пурга ёросысь Уча (Ильинское) черкогуртысь лулчеберет юртын шуныт сётон сӧзнэтэз тупатъяны кутскизы. «Покчи шаерлэн лулчеберетэз» парти ӵектосъя солы 1 миллион 300 сюрс манет висъязы. Со сярысь Удмуртиысь тӧролэн но кивалтэтлэн пресс-службазы ивортӥз.

Лулчеберет юртын 17 клубъёс ужало, отчы 196 адями ветлэ – покчи пиналъёс но школаын дышетскисьёс, егитъёс но арлыдоос. Учкисьёслы зал 300 интылы чакламын. Со сяна, кык этажъем юртэ лыдӟиськонни, музей интыяськемын.

Учаын улӥсьёс сяна, лулчеберет юртэ Сосновка, Чокал, Арлан, Ыбдэс гуртъёсын улӥсьёс ветло. Ужъюртысь ӧнерчиос пӧртэм шулдыръяськонъёс, концертъёс, калыкен юмшанъёс, театр возьматонъёс, егитъёслы акциос, пумиськонъёс, вожвылъяськонъёс радъяло. 2020-тӥ арын, кылсярысь, 164 ужрадъёс ортчытӥзы, отчы 6 сюрс 400 пала адями пыриськиз. 



Наверх
Вниз