Ижкар-4 °C
5 -тӥ толсур 2021 Воскресенье
18+

Ижкарысь Кузебай Герд нимо нылпи садын укноосты вошъялозы

  • 340
  • 0
Ижкар / Удмуртия
Ижкарысь Кузебай Герд нимо нылпи садын укноосты вошъялозы
Туспуктэм: yandex.ru

Ижкарысь Кузебай Герд нимо йӧскалык гимназилэн Коммунаръёслэн ульчаысьтызы нылпи садаз укноосты вошъялозы, юрт доры пырон сюресэз но тротуаръёсты тупатъялозы. Со сярысь 1-тӥ инвожое Удмуртиысь дышетонъя но тодосъя министерстволэн но муниципал кылдытэтлэн ыстэм муртъёссы анай-атайёсын пумиськон дыръя веразы, ивортэ кар администрацилэн пресс-службаез.

Анай-атайёслэн верамзыя, нылпи садын дышетонъя азинлыко программаосты быдэсъяло, умой дышетӥсьёс ужало, йӧскалык сямъёсъя визьноданы вань луонлыкъёс кылдытэмын. Но 1969-тӥ арын пуктэм юрт рос-прос выльдэмез кулэ каре ни.

«Огъя Россия» партилэн улосвыл ёзэтэзлэн секретарезлэн воштӥсез пусйиз, гимназилэсь инфраструктуразэ выльдонъя ужанрадлык кык ар талэсь азьвыл кылдытэмын, со чаклаське.

Милем ваньмылы кулэ, дышетон огазеяськонын пиналъёслы дышетон но визьнодан понна умой луонлыкъёс кылдытэмын мед луозы шуыса. Та дышетон ужъюртын 2021-тӥ арын ни укноосты вошъялозы – пиналъёслы шунытгес луоз, асфальтэз выльдозы – кышкыттэмгес луоз. Анай-атайёслы но уж борды итӥськыны кулэ – тупатъян ужъёслэсь дырзэс но ӟечлыксэс чакланы
Олег Гарин, «Огъя Россия» партилэн улосвыл ёзэтэзлэн секретарезлэн воштӥсез

Дышетонъя но тодосъя министрлэн Ирина Крохиналэн кылъёсызъя, укноосты вошъян но сюресъёсты тупатъян понна ужкагазъёс дасямын ни, ужъёсты быдэстыны 3 миллион манетлэсь трос коньдон кулэ луоз.

Гимназилэн кивалтӥсез Татьяна Волкова верамъя, конкурс ужрадъёсты лыдэ басьтыса, ужъёс борды сӥзьыл кутскозы. Тупатъян вакытлы пиналъёслы мукет нылпи садъёсын интыос ӵектозы, анай-атайёслэсь мылкыдзэс чакласа.

Со сяна, али Кузебай Герд нимо нылпи садын поръян интыосты выльдыны ужкагазъёс дасяло. 2022-тӥ арын ньыль верандаосты тупатъяны но пичи скульптураос пуктыны чакламын.

Тодэ вайытом, Ижкарысь Кузебай Герд нимо йӧскалык гимназиез Удмуртилэн кунлыкезлы 100 ар тырмонэз пусъён улсын тупатъяны кутскизы.  



Наверх
Вниз