Ижкар-4 °C
5 -тӥ толсур 2021 Воскресенье
18+

Укмыс нылпи садъёслэсь азбаръёссэс тупатъялозы Глазкарын 2020-тӥ арын

  • 330
  • 0
Глазкар / Удмуртия
Укмыс нылпи садъёслэсь азбаръёссэс тупатъялозы Глазкарын 2020-тӥ арын
Туспуктэм: Анжелика Тихонова

2020-тӥ арын гужем Глазкарын укмыс нылпи садъёслэсь азбаръёссэс тупатъялозы. Со сярысь карлэн тӧроез Сергей Коновалов «ВКонтакте» мерлыко вотэсысь бамаз ивортӥз.

Калыклэн вазиськонъёссы возьматӥзы, дышетон ужъюртъёслэсь, уката ик нылпи садъёслэсь, интывылъёссэс тупатъян – Глазкарысь одӥгез тужгес лэчыт ужпум. Трос аръёс ӵоже нырысьсэ ми сое сэрттон-пертчон борды кутскиськом
Сергей Коновалов, Глазкарлэн тӧроез

Нылпи садъёсты бырйыку анай-атайёслэсь но визьнодасьёслэсь вазиськонъёссэс, озьы ик эскеронъёслы йылпумъянъёсты лыдэ басьтӥзы. 2020-тӥ арын 1, 9, 15, 25, 28, 33, 34, 35, 46 номеро нылпи садъёслэсь азбаръёссэс тупатъялозы.

Сергей Коноваловлэн кылъёсызъя, сметаос кылдытэмын, али соос эскеронэз ортчо, собере ужъёсты быдэстӥсез быръёнъя конкурс ужъёсты кутскозы.

Азбаръёсты асфальтэн шобыртон понна туэ гужем 14 миллион 800 сюрс манет пала коньдон висъяны малпаськом. Ӵектосэз Удмурт Элькун но «Росатом» кун корпорация куспын тупанкылъя азьланьтыны но нылпи садъёслэсь но школаослэсь интывылъёссэс шӧдскымон умоятыны чакласьком
Сергей Коновалов, Глазкарлэн тӧроез

Тодэ вайытом, таяз арын Ижкарысь Кузебай Герд нимо йӧскалык гимназилэн Коммунаръёслэн ульчаысьтызы нылпи садаз укноосты вошъялозы, юрт доры пырон сюресэз но тротуаръёсты тупатъялозы.



Наверх
Вниз