Ижкар-24 °C
6 -тӥ толсур 2021 Вордӥськон
18+

24 школаослэсь но нылпи садъёслэсь липетъёссэс тупатъялозы Ижкарын 2022-тӥ арын

  • 219
  • 0
Ижкар / Удмуртия
24 школаослэсь но нылпи садъёслэсь липетъёссэс тупатъялозы Ижкарын 2022-тӥ арын
Туспуктэм: Руслан Нуриахметов

2022-тӥ арын Ижкарын 11 школаослэсь но 13 нылпи садъёслэсь липетъёссэс тупатъялозы. Ужъёсты «Большой ремонт» ӵектос улсын быдэсъялозы. Со сярысь кар администрацилэн пресс-службаез ивортӥз.

Ӵектос 2019-тӥ арын быдэсъяськыны кутскиз. Со дырысен Ижкарын 35 школаослэсь но 52 нылпи садъёслэсь липетъёссэс тупатъязы. Со сяна, 32 школаосын но 49 нылпи садъёсын 6 сюрс 579 выль укноос пуктӥзы.

Кызьы вераз кар администрацилэн жилищно-коммунальной ужпумъёсъя воштӥсез Игорь Сальников, тупатъян ужъёслэсь мынэмзэс калык туж сак чакла, угось куд-ог лэсьтӥськисьёс туж ик умой уг тыршо.

Технологиез чакламтэен сэрен куд-ог тупатъям липетъёсын шекъёс шараясько. Ужъёсты быдэстӥсь соосты ас коньдонэныз гарантиос улсын палэнтэ, яке коньдэтысь уксёен, но сое суд пыр берен берыктытыса.

Тодэ вайытом, 2021-тӥ арын Ижкарын 15 школаослэсь но нылпи садъёслэсь липетъёссэс тупатъязы, эшшо 17 дышетон юртъёсын выль укноос пуктылӥзы.



Наверх
Вниз