Ижкар+1 °C
9 -тӥ толсур 2021 Покчиарня
18+

Выль спорт огъет пуктозы Глазкарын

  • 147
  • 0
Глазкар / Удмуртия
Выль спорт огъет пуктозы Глазкарын
Туспуктэм: ИА «Удмуртия»

Глазкарын Луначарский нимо но Карл Маркс нимо ульчаос вожын мини-футбол, баскетбол, волейбол, гандбол шудыны чаклам выль спорт огъет пуктозы. Со сярысь Глазкарлэн тӧроез Сергей Коновалов «ВКонтакте» мерлыко вотэсысь бамаз ивортӥз.

Площадка спортысь шудон амалъёсъя федерациослэн вань куронъёссылы тупась луоз, тренировкаосты радъяны но нимлыко ӵошатсконъёслэсь люкетъёссэс ортчытъяны луонлык сётоз
Сергей Коновалов, Глазкарлэн тӧроез

Лэсьтӥськон ужъёсты мытӥзы ни. Мугор чеберетъя но тазалыкез кыдатонъя огъетлэн быдӟалаез 1 сюрс 500 квадрат метр пала луоз. Сое капчи конструкциослэсь ӝутозы. Выж вылаз туала паркет вӧлдозы, спортсменъёслы кылиськон-дӥсяськон интыос, гылтӥськон висъетъёс лэсьтозы.

Огъетэз 2022-тӥ арын усьтозы. 

Тодэ вайытом, Гракын куасэн бызьылон сюресэз паськытатӥзы



Наверх
Вниз