100 лет государственности Удмуртии
Ижкар+22 °C
6 -тӥ инвожо 2020 Кӧснунал
16+

Кам шур вамен выжез лэсьтонын валтӥсь ужъёсты пӧсьтолэзе йылпумъялозы

  • 402
  • 0
Ижкар / Удмуртия
Кам шур вамен выжез лэсьтонын валтӥсь ужъёсты пӧсьтолэзе йылпумъялозы
Туспуктэм: Григорий Фомин

Удмуртиын Кам шур вамен выжез лэсьтонын валтӥсь ужъёсты таяз арын пӧсьтолэзе йылпумъялозы. Со сярысь ивортэ улосвыл тӧролэн но кивалтэтлэн пресс-службазы.

«Пӧсьтолэзе вань ужъёс, рекультвация сяна, йылпумъямын луозы. Со дырлы ик чакламын нырысетӥ люкетсэ уже кутон, отчы пыро Кам но Буй шуръёс вамен выжъёс вылтӥ потон, озьы ик дун басьтон интыос», — верамын ивортонын.

Лэсьтӥськонлэн кыкетӥ люкетэз — технологической потонъёс, юрттӥсь сооружениос но рекультивация — 1-тӥ куарусёнозь йылпумъяськоз.

Та дыре объектын котькуд нунал 600-лэсь трос адями но 150 техника ужа.

Удмуртиысь кивалтэтлэн тӧроезлэсь ужзэ быдэсъясь Виктор Савельев верамъя, выж вылын быдэстӥськись ужъёслэсь ӟечлыксэс эскерон арня быдэ ортчытӥське.

«Выж вылын мынӥсь ужъёсты ми чакласькомы, объектын кенешонъёс ортчытъяськомы. Уж ӟырдыт мынэ, азинскон вань. Генподрядчик ужъёсты юнматэм радлыкъя йылпумъяны но объектэз уже сётыны дась», — пусйиз улосвыл кивалтэтлэн тӧроезлэсь ужзэ быдэсъясь.



Наверх
Вниз