Камбарка ёросын Кам но Буй шуръёс вамен выжъёс вылтӥ потон понна дун басьтыны кутскозы дун тырон пунктъёсты но отын ужасьёсты дышетэм бере — гудырикошкон шорын. Со сярысь ивортӥзы Удмуртиысь тӧролэн но кивалтэтлэн
Озьы ик пусъемын, элькун но концессионер дун пумысен огкылэ вуизы шуыса, выжъёс вылтӥ выжон паромен потонлэсь дуногес уз луы (пичи машинаос понна Кам вамен — 250 манет, Буй вамен — 80 манет).
Со сяна, али выжъёс вылтӥ ялан ветлӥсьёслы капчиятонъёс сётонъя программаез дасяло. Кылсярысь, вераськон мыныны быгатоз Камбаркаын улӥсьёс сярысь.
Кызьы тодмо луиз толон, выжъёсты нимлыко усьтыны малпало куарусён кутсконын. Али чаклась ёзэсъёс йылпумъян эскеронъёсты нуо, собере выжъёслэн куронъёслы тупамзы сярысь визьпумъян (заключение) но соосты уже кутыны лэзён басьтэмын луоз.
Тодэ вайытом, выж вылтӥ ужан