100 лет государственности Удмуртии
Ижкар+22 °C
6 -тӥ инвожо 2020 Кӧснунал
16+

Тодмо луиз Кам но Буй шуръёс вамен выж вылтӥ потонлэн дуныз

  • 453
  • 0
Камбарка / Удмуртия
Тодмо луиз Кам но Буй шуръёс вамен выж вылтӥ потонлэн дуныз
Туспуктэм: OSA-KAMA.RU

Удмуртиысь Камбарка ёросын Кам но Буй шуръёс вамен выжъёсты лэсьтӥсь концессионер — «Региональная инвестиционная компания» огазеяськон — выжъёс вылтӥ потон понна дунъёсты шараяз. Ивортон ӵектослэн сайтаз поттэмын.

Тарифъёсъя куинь зона (Кам выж вылтӥ потон; Буй выж вылтӥ; кыкез ик выжъёс вылтӥ) но тарифъя ньыль группа чакламын:

1. капчи транспорт (мотоциклъёс но пичи машинаос);

2. шоро-куспо транспорт (пичи фургонъёс, фургонъёс, пикапъёс);

3. вузъёсты нуллӥсь машинаос но автобусъёс (ӝуждалазы 2,6 метрлэсь бадӟым, 2 черсэн (ось);

4. вузъёсты нуллӥсь машинаос но автобусъёс (ӝуждалазы 2,6 метрлэсь ӧжыт, 3-лэсь трос черсэн.

Озьы, пичи машинаен Кам выж вылтӥ потон 250 манет усёз, Буй вамен — 80 манет, кыкез ик вамен — 330 манет. Фургонэн Кам выж вылтӥ ортчон понна 510 манет тыроно луоз, Буй вамен — 270 манет, кыкез вамен — 780 манет.

Выжъёс вылтӥ потон тужгес дуно усёз бадӟым машинаосын ветлӥсьёслы (Кам, Буй, кык выж):

 — тарифъя 3-тӥ группа — 900 манет, 460 манет, 1350 манет;

 — тарифъя 4-тӥ группа — 1150 манет, 590 манет, 1730 манет.

Выль выжъёс вылтӥ потон понна дунъёс

2 фото

Тодэ вайытом, 2016-тӥ арын Кам шур вамен выжъёс вылтӥ потон понна тужгес бадӟым дунъёсты юнматӥзы: пичи машинаослы Кам выж вылтӥ 340 манет, Буй вамен -187 манет, шоро-куспо транспортлы: 679 но 357 манет, вузъёсты нуллӥсь машинаослы но автобусъёслы — 1189 но 611 манет, прицепен грузовикъёслы — 1528 но 781 манет.

Берлогес веразы, выжъёс вылтӥ потон паромен выжонлэсь дуногес уз луы шуыса.

Со сяна, дунэз басьтыны кутскем дырысен, чакланъёсъя гудырикошкон шорысен, кык толэзь ортчыса, Камбарка ёросысь Сарапулэ ялан ветлӥсьёс понна дунъёсъя капчиятонъёс сётыны малпало.

Выжъёсты быдэсак усьтыны чакламын 2017-тӥ арын куарусён кутсконын.

«Кам но Буй шуръёс вамен выжъёсты лэсьтон» сярысь вань иворъёс



Наверх
Вниз