Ижкар-1 °C
22 -тӥ коньывуон 2020 Покчиарня
18+

Ярослав Семёнов: Ижкарын Удмурт лулчеберетъя центрлы ӵектос лэсьтонъя аукционэ куриськонъёсты кутон вуоно арняе йылпумъяське

  • 460
  • 0
Ижкар / Удмуртия
Ярослав Семёнов: Ижкарын Удмурт лулчеберетъя центрлы ӵектос лэсьтонъя аукционэ куриськонъёсты кутон вуоно арняе йылпумъяське

8-тӥ шуркынмонэ улосвыл кивалтэтлэн тӧроез Ярослав Семёнов «Удмурт Кенеш» огазеяськонлэн Удмуртилэн кунлык нуналэзлы сӥзем Пичи кенешаз пыриськиз. Со люкаськемъёсты праздникен ӟечкылаз но элькунлы 100 ар тырмонэз пусъёнлы дасяськон ужрадъёс сярысь вераз.

Таяз арняе радъясь комитетлэн кенешоназ матысь аръёсы быдэстыны чаклам ужрадъёсты пусйизы. Ярослав Семёнов верамъя, ужанрадлыке выль юртъёсты пуктон но пыртэмын, улосвыл тӧрлыкъёс солы но коньдон шедьтыны быгатозы шуыса оско.

Удмуртилэн кунлыкезлы 100 ар тырмон арлы – 2020-тӥ арлы – Ижкарын Удмурт лулчеберетъя центр но пуктыны кулэ.

Ижкарын Удмурт лулчеберетъя центрлы ӵектос лэсьтонъя аукционэ куриськонъёсты кутон вуоно арняе йылпумъяське. Со бадӟым туала юрт луоз, быдӟалаез 5 сюрс 800 квадрат метр. Отчы творчествоя коллективъёсмы интыяськыны быгатозы, лулчеберет ужрадъёсты, ужъя пумиськонъёсты ортчытъяны интыос луозы. Со туж кулэ, соин ик ӵектосэз быдэстон понна ми ваньзэ лэсьтомы
Ярослав Семёнов, Удмуртиысь кивалтэтлэн тӧроез

Тодэ вайытом, Ижкарын Удмурт лулчеберетъя центрлэн кулэлыкез сярысь «Удмурт Кенеш» огазеяськонлэн азьветлӥсьёсыз улосвыл тӧрлыкъёслы 2017-тӥ арын куартолэзе веразы. Сое ӟуч драмая театрлэн азьвыл юртаз интыяны ӵектӥзы. Инвожое ини центрлэн пуштросэз сярысь калык кылзонъёс ортчытӥзы. Нырысь ик Короленко нимо театрлэсь азьвыл юртсэ быдэсак выльдыны чакламын вал, но 2018-тӥ арын оштолэзе кенешизы, со интыын выль юрт пуктозы шуыса. Элькунысь лэсьтӥськонъя министерстволэн йылпумъянъёсызъя, пуктӥськон ужъёс, тупатъян сярысь, дунтэмгес усёзы. Соку ик улосвыллэн тӧроез Александр Бречалов эшшо одӥг пол пусйиз, Удмуртилэн кунлык басьтонэзлы 100 ар тырмонлы (со пусйиськоз 2020-тӥ арын 4-тӥ шуркынмонэ — ред.) Удмурт лулчеберетъя центр дась луоз.

Ватсалом, озьы ик «Удмурт Кенешлэн» Пичи кенешаз огазеяськонлэн Данъян книгаяз пыртэм муртъёсты сӥлы каризы.



Наверх
Вниз