Ижкар+18 °C
24 гудырикошкон 2019 Кӧснунал
16+

Дас ёросъёсын но каръёсын выль нылпи садъёсты усьтыны чаклало Удмуртиын 2019-тӥ арын толсуре

  • 352
  • 0
Ижкар / Удмуртия
Дас ёросъёсын но каръёсын выль нылпи садъёсты усьтыны чаклало Удмуртиын 2019-тӥ арын толсуре
Туспуктэм: Удмуртиысь торолэн но кивалтэтлэн пресс-службазы

Туннэ Удмуртиысь 10 ёросъёсын но каръёсын нылпи садъёс пукто, соосты 2019-тӥ арын толсуре усьтыны чакламын. Со сярысь улосвыл тӧролэн но кивалтэтлэн пресс-службазы ивортэ.

Лэсьтӥськон ужъёс Кез, Шаркан, Дэри, Ува, Пичи Пурга, Сарапул, Камбарка, Алнаш ёросъёсын, Глазкарын но Воткаын мыно.

Та дыре группаосты кулэ тӥрлыкен тырмытон ужпумез сэртто-пертчо но ужасьёсты быръё. Лэсьтӥськонэз йылпумъям но юртъёсты уже кутэм бере 350 выль ужан интыос кылдозы
Удмуртиысь тӧролэн но кивалтэтлэн пресс-службазы

Улосвыл тӧрлыкъёс нылпи садъёсты пуктон ужпумез ялан чакласа возё. Ёрос администрациоын ӵош интыосын пумиськонъёс ортчыло. Озьы, пӧсьтолэзь пумын Алнаш но Сарапул ёросъёсысь ӧнерчиосын кенешизы, нош 2-тӥ гудырикошконэ Кез ёрослэн администрациеныз пумиськылӥзы. Отын выль группаосы шудонъёс, тусьты-пуньы, небыт инвентарь, нимысьтыз дӥськут басьтон ужпумъёсты ӝутӥзы, озьы ик лэсьтӥськон ужъёсты йылпумъян дыр сярысь вераськизы.

Группаосты тырмытыны ватсаса 68 миллион 900 сюрс манет висъяны чакламын

Росси азьмуртэн Владимир Путинэн кичӧлтэм «Демография» йӧскалык ӵектосъя та ар пумын Удмуртиын выль нылпи садъёсы 2 сюрс 200 пиналъёс мынозы. 

Тодэ вайытом, азьвылгес ивортӥзы вал 2019-тӥ арын Удмуртиын 27 нылпи сад пуктозы шуыса.

Наши партнеры

Наверх
Вниз