Ижкар+5 °C
21 куарусён 2019 Кӧснунал
16+

Выль ясли усьтыны чаклало Кезын 2019-тӥ ар пумозь

  • 370
  • 0
Кез / Удмуртия
Выль ясли усьтыны чаклало Кезын 2019-тӥ ар пумозь
Туспуктэм: Руслан Нуриахметов

Удмуртиысь Кез каргуртысь выль яслиез 2019-тӥ ар пумын усьтыны малпало. Чакламъя яслиез 1-тӥ шуркынмонозь вуттыны кулэ, но зоро гужемен сэрен чаклам дырез тупатыны быгато, ивортӥз Кез ёрослэн тӧроезлэн воштӥсез Дмитрий Ефремов.

Ясли пуктыны коньдон «Демография» йӧскалык ӵектос улсын висъязы. Дмитрий Ефремовлэн кылъёсызъя, каргурт яслилы туж кулэяське. Кылсярысь, али 140 интыос уг тырмо.

Юрт куинь аресозь 80 нылпилы чакламын. Отын сиськон интыез, актовой залэз но мисьтаськон интыез вань. Пиналъёсты быдэн 20 адямиен ньыль группаосын визьнодалозы

Та дыре быдэсак фундаментэз лэсьтэмын ини. Борддоръёсыз пуктӥсько. Лэсьтӥськыны кулэ луись вань материалъёсты дыраз вутто.

Зоръёсын сэрен ми бере кылим, шӧдскымон бере кылим. Трос зоръёс. Ву басьтэ. Насосъёс ужало. Милемыз выйтэ. Ужъёс туж трос на. Ми тыршиськом но вань кужыммес сётӥськом югдурез тупатон понна
Сергей Ястребов, «Радиосен» огазеяськонысь лэсьтӥськон ужъёсъя мастер

Та нылпи садэз пуктон сяна, каргуртын эшшо одӥг таӵе ик юрт, но мукет буёло, пуктыны чакламын. Сое 2020-тӥ арын кутскыны малпало.

Озьы ик Кезын 500 интылы чаклам школа пуктӥське. Али юртлэсь куинетӥ этажзэ йылаз-пумаз вутто ини.

Наши партнеры

Наверх
Вниз