Ижкар+22 °C
8 -тӥ гудырикошкон 2020 Кӧснунал
16+

Йӧскалык ӵектосъёс улсын мерлыко юртъёс пукто Удмуртиысь Пичи Пурга ёросын

  • 344
  • 0
Пичи Пурга / Удмуртия
Йӧскалык ӵектосъёс улсын мерлыко юртъёс пукто Удмуртиысь Пичи Пурга ёросын
Туспуктэм: facebook.com (Дмитрий Сурнин)

Удмуртиысь Пичи Пурга ёросын Россилэн азьмуртэныз Владимир Путинэн кичӧлтэм йӧскалык ӵектосъёс улсын мерлыко юртъёс пукто. Со сярысь Facebook мерлыко вотэсысь бамаз элькунысь лэсьтӥськонъя, жилищно-коммунальной возёсъя но дыкужымъя министр Дмитрий Сурнин ивортӥз.

Пичи Пурга ёросын йӧскалык ӵектосъёсъя ужан
Фото: facebook.com (Дмитрий Сурнин) © 

Туэ Пичи Пурга черкогуртын «Демография» йӧскалык ӵектос улсын пуктӥськись яслиез йылаз-пумаз вуттозы. Озьы ик али ёросысь Аксак гуртын 110 интылы чаклам школа пуктыны ужкагазъёс дасяло.

Пичи Пургаысь Парковой урамысь скверез «Жильё и городская среда» йӧскалык ӵектос улсын лэсьтӥзы. Отын нылпиослы шудон огъетъёс но воркаутэн вырыны чаклам инты вань

Со сяна, «Большой ремонт» ӵектос улсын 38 миллион манетлэсь трос висъям коньдонлы 10 школаосты, сизьым нылпи садъёсты, Пичи Пургаысь эмъюртэз но ньыль фельдшер-акушер пунктъёсты тупатъяло.

Со берло вить аръёсы ёросысь мерлыко юртъёсты тупатъян уже кутэм коньдонлэсь 10 поллы тросгес
Дмитрий Сурнин, Удмуртиысь лэсьтӥськонъя, жилищно-коммунальной возёсъя но дыкужымъя министр

Тодэ вайытом, та дыре Вавож ёросын вить школаосты но нылпи садъёсты рос-прос тупатъяло.



Наверх
Вниз