Ижкар+15 °C
18 -тӥ куарусён 2020 Удмуртарня
18+

75 интылы нылпи садэз усьтӥзы Вавож ёросын

  • 437
  • 0
Выль Бия / Удмуртия
75 интылы нылпи садэз усьтӥзы Вавож ёросын
Туспуктэм: vk.com (Александр Бречалов)

10-тӥ толсуре Вавож ёросысь Выль Бия гуртын 75 интылы нылпи садэз усьтӥзы. Со сярысь Удмуртилэн тӧроез Александр Бречалов «ВКонтакте» мерлыко вотэсысь бамаз ивортӥз.

Туннэ «Демография» йӧскалык ӵектосъя 75 интылы выль нылпи садэз усьтӥмы. Табере Выль ар шулдыръяськонъёс выль, шуныт но зэмос праздник мылкыдын ортчозы
Александр Бречалов, Удмуртилэн тӧроез

Нылпи садлэн азьвыл юртэз кемалась ини 40 ар тырмонзэ пусйиз. Отын крезьгуръя но тазалыкез кыдатонъя залзы но, шуныт сётон сӧзнэтсы но ӧй вал.

Азьвылэз нылпи садзы 35 интылы чакламын вал, нош али выль юртэ 55 нылъёс но пиос ветлозы

Ватсалом, Вавож ёрослэн тӧроез Олег Овчинников озьы ик «ВКонтакте» мерлыко вотэсысь бамаз пусйиз, выль нылпи садэз «Колхоз «Колос» гурт возёслэн коньдонэныз пуктӥзы шуыса, али юртэз федерал, улосвыл но ёрос коньдэтъёс чотын басьтон уж йылпумъяське.

Тодэ вайытом, азьвылгес йӧскалык ӵектос улсын 2019-тӥ арын Удмуртиын 27 нылпи сад пуктозы шуыса веразы вал.



Наверх
Вниз