Ижкар+20 °C
8 -тӥ гудырикошкон 2020 Кӧснунал
16+

2020-тӥ арын Удмуртиысь ёросъёсын кӧня ке яслиос усьтозы

  • 908
  • 0
Ижкар / Удмуртия
2020-тӥ арын Удмуртиысь ёросъёсын кӧня ке яслиос усьтозы
Туспуктэм: Руслан Нуриахметов

2020-тӥ арын Удмуртиысь кӧня ке ёросъёсын выль яслиос усьтозы. Юртъёсты Россилэн азьмуртэныз Владимир Путинэн кичӧлтэм «Демография» йӧскалык ӵектос улсын пукто. Со сярысь улосвылысь дышетонъя но тодосъя министерстволэн пресс-службаез ивортэ.

Кык нылпи садъёсты Сарапулын усьтозы, 3 аресозь нылпиослы кык ясли-садъёс Эгра каргуртын ужаны кутскозы. Озьы ик быдэн одӥген яслиос Уваын, Алнашын но Пичи Пургаын ӧсъёссэс усьтозы. Ваньмыз юртъёс быдэн 80 интылы чакламын

Юртъёсты типовой ӵектосъя пуктӥзы. Отын нимаз пӧраськон но эм висъетъёссы, визьнодасьёслы дасяськон кабинетъёссы вань, ваньмыз ик нимысьтыз тӥрлыкъёсын но шудонъёсын тырмытэмын. Озьы ик спортэн вырыны но актовой залъёссы, поръяны интыоссы вань.

Дэри ёросын вуоно арын сизьым нылпи садъёсты уже кутыны чаклало. Озьы ик выль нылпи садъёс Кез, Пичи Пурга, Сарапул но Шаркан ёросъёсын, Глазкарын но Воткаын пукто.

2021-тӥ арозь Удмуртиын 51 нылпи садъёс усьтозы, пиналъёслы 4 сюрс 300-лэсь трос интыос кылдозы

Тодэ вайытом, туэ Уваын но Можгаын яслиос усьтӥськизы. Толсуре Вавож ёросысь Выль Бия гуртын 75 интылы чаклам нылпи сад усьтӥзы



Наверх
Вниз