Ижкар+32 °C
10 -тӥ пӧсьтолэзь 2020 Удмуртарня
16+

45 но ӝыны миллион манет висъязы Кез ёросын «Большой ремонт» ӵектослы 2019-тӥ арын

  • 782
  • 0
Кез / Удмуртия
45 но ӝыны миллион манет висъязы Кез ёросын «Большой ремонт» ӵектослы 2019-тӥ арын
Туспуктэм: Анастасия Васильева

2019-тӥ арын Удмуртиысь Кез каргуртын «Большой ремонт» ӵектослы 45 миллион 500 сюрс манет пала коньдон висъязы. 2020-тӥ арын ужъёсты азьланьтозы.

Кылем арын «Большой ремонт» улосвыл ӵектос улсын ми 24 объектъёсты тупатъяны быгатӥм: вить лулчеберет юртъёсты, нош ваньмыз кылемез – дышетон ужъюртъёс. <…> Туэ ми ӵектосэз азьланьтӥськом
Иван Богданов, Кез ёрослэн тӧроез

10 объектъёс пӧлысь сизьымзэ «Энергосбережение» программая тупатъялозы. Эшшо куиньзэ улосвыл субсидиослы но коммерци кредитлы луыса выльдозы.

Нимысьтыз саклык 1 номеро шор ёзо школалы висъязы. Та дыре юртын одӥг гинэ йылаз-пумаз вуттымтэ уж кылемын: электроезъёсты быдэсак воштон.

Школалэн кивалтӥсез Светлана Жиганова пусйиз, табере дышетсконниын пандус луоз шуыса.

Милям школамылы туж удалтӥз. 2019-тӥ арын куарусёнэ шуныт вуттӥсь сӧзнэтмес быдэсак воштӥм. Со 6 но ӝыны миллион манет пала. Озьы ик бадӟым тупатъян ужъёс улсын кылемзэ укноосмес выльдӥм
Светлана Жиганова, 1 номеро шор ёзо школалэн кивалтӥсез

Покчи классъёсты дышетӥсьлэн Татьяна Главатскихлэн верамезъя, табере школаын трослы югытгес но шунытгес луиз. Со сяна, выль батареяос бордын шунытэз чаклась датчикъёс вань, соос температураез ӝутыны яке кулэстыны луонлык сёто.

Пусъём, 2020-тӥ арын Удмуртиын «Большой ремонт» ӵектосъя мерлыко удысысь 140 объектъёсты выльдозы. 



Наверх
Вниз