100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Кык выль школаос усьтыны быгатозы Дэри ёросын 2021-тӥ арын

  • 233
  • 0
Дэри / Удмуртия
Кык выль школаос усьтыны быгатозы Дэри ёросын 2021-тӥ арын
Туспуктэм: Руслан Нуриахметов

2021-тӥ Удмуртиысь Дэри ёросын кык выль школаос усьтыны быгатозы. Со пумысен элькунлэн тӧроез Александр Бречалов муниципал кылдытэтысь ыстэм муртъёсын но школаосын кивалтӥсьёсын кенешон ортчытӥз, ивортэ улосвыл тӧролэн но кивалтэтлэн пресс-службаез.

Ёросын улӥсьёслэн лыдзы ялан будэ, егит семьяос коркаос пукто. Нош нылпи садъёсын но школаосын интыоссы уг тырмо

Дэриысь 800 интылы чаклам шоръёзо школаын одӥг но ӝыны сюрслэсь трос пиналъёс дышетско. Выль школа пуктон пумысен ужпум кемалась ӝутэмын вал ини. Удмуртилэн тӧроез Пыӵанка гуртын 825 интылы выль юрт ӝутыны пумкылъян кутӥз. Солэн верамезъя, ӵектос лэсьтӥськонъя федерал лыдметэ пыртэмын. Сое эскеронлы йылпумъянъёсты туэ куартолэзь пумын возьмало. Юрт оглом 537 миллион манет тыр усёз.

Ягулын 500 интылы чаклам школа пуктозы. Юртлэн ӵектосэз вань ини. Черкогуртын али ужась школаын та дыре озьы ик кык поллы трос пиналъёс дышетско.

Александр Бречалов школаосты пуктон борды туэ ик басьтӥськыны косӥз но лэсьтӥськонэз 2021-тӥ арын дышетскон ар кутсконлы йылпумъяны ужпум пуктӥз.

Мон валасько, дыр туж ӧжыт шуыса, но асьмелы тыршоно но со кык юртэз 2021-тӥ арын дышетскон ар кутсконлы, 1-тӥ куарусёнлы, вуттоно. Со дышетскисьёслы но, дышетӥсьёслы но дышетскон арез выль юртын кутскыны луонлык сётоз
Александр Бречалов, Удмуртилэн тӧроез

Тодэ вайытом, 2020-тӥ арын мерлыко юртъёс пуктыны ог ньыль но ӝыны миллиард манет висъялозы



Наверх
Вниз