100 лет государственности Удмуртии
Ижкар+21 °C
29 -тӥ куартолэзь 2020 Удмуртарня
16+

Дэбесын шор ёзо школалэсь вуж юртсэ тупатъян ужъёсты йылпумъязы

  • 286
  • 0
Дэбес / Удмуртия
Дэбесын шор ёзо школалэсь вуж юртсэ тупатъян ужъёсты йылпумъязы
Туспуктэм: vk.com (Андрей Иванов)

18-тӥ куартолэзе Дэбесын шор ёзо школалэсь 1967-тӥ арын пуктэм юртсэ рос-прос тупатъян ужъёсты йылпумъязы. Со сярысь ёрослэн тӧроез Андрей Иванов «ВКонтакте» мерлыко вотэсысь бамаз ивортӥз.

Дышетсконниез выльдон ужъёсты «Большой ремонт» элькун ӵектос улсын ортчытӥзы. Ужъёсты нуыны 13,7 миллион манет висъямын вал, коньдон муниципалитет но висъяз. <…> Ӝикыт, ӟеч но кышкыттэм школа пиналъёсты выль дышетскон арын пумитаны дась
Андрей Иванов, Дэбес ёрослэн тӧроез

Лэсьтӥськон ужъёсты кык люкетэн ортчытӥзы. Нырысь ик этажъёс вискысь но сигысь инъетъёсты рос-прос тупатъязы. Вуж укноосты, шуныт сётон сӧзнэтэз воштӥзы. Озьы ик борддоръёсты но выжъёсты выльдӥзы, ӧсъёсты вошъязы, санузелъёсты, ву гумыосты, электроезъёсты но канализациез эсэпрадъя тупатӥзы.

Тодэ вайытом, 2020-тӥ арын Удмуртиын «Большой ремонт» ӵектосъя 130 мерлыко юртъёсты тупатъяны чаклало.



Наверх
Вниз