Ижкар+10 °C
26 -тӥ куарусён 2020 Кӧснунал
18+

Уваын ёрос лулчеберет юртэз тупатъян ужъёсты йылпумъязы

  • 296
  • 0
Ува / Удмуртия
Уваын ёрос лулчеберет юртэз тупатъян ужъёсты йылпумъязы
Туспуктэм: vk.com (Александр Бречалов)

Уваын «Юность» лулчеберет юртэз тупатъян ужъёсты йылпумъязы. Со сярысь элькунлэн тӧроез Александр Бречалов «ВКонтакте» мерлыко вотэсысь огиназ ивортӥз.

Ужъёсты «Огъя Россия» партилэн «Покчи шаерлэн лулчеберетэз» ӵектосэзъя быдэстӥзы. Юртэз тупатъяны 3 миллион манетлэсь трос коньдон кошкиз.

Лэсьтӥськисьёс пуконъёсты, ву гумыосты, канализациез воштӥзы, борддоръёсты, вӧлдэтэз, выжез тупатъязы. Озьы ик крезьгуро арбериос басьтӥзы, катанчиез выльдӥзы.

Ёросысь «Юность» лулчеберет юрт – творчествоя 7 коллетивъёс понна зэмос корка, отчы самодеятельной творчествоез яратӥсь 700 пала адями ветлэ. <…> Нырысетӥ учкисьёс артистъёсты выль интыын адӟыны быгатӥзы ни!
Александр Бречалов, Удмуртилэн тӧроез

Тодэ вайытом, «Юность» лулчеберет юртэз Уваын кылем арын тупатъяны кутскизы


Ватсалом, азьвылгес Удмуртиысь лулчеберетъя министр Владимир Соловьёв 2020-тӥ арын элькун лулчеберет удысэз азинтон понна федерал коньдэтысь 700 миллион манетлэсь трос коньдон басьтоз шуыса вераз вал.  



Наверх
Вниз