Ижкар+19 °C
14 -тӥ гудырикошкон 2020 Удмуртарня
16+

Глаз ёросысь кык школаосты тупатъялозы туэ «Большой ремонт» ӵектос улсын

  • 338
  • 0
Глазкар / Удмуртия
Глаз ёросысь кык школаосты тупатъялозы туэ «Большой ремонт» ӵектос улсын
Туспуктэм: vk.com (Вячеслав Сабреков)

2020-тӥ арын «Большой ремонт» ӵектос улсын Глаз ёросысь Адам но Пусошур школаосын тупатъян ужъёс нуозы. Со сярысь ёрослэн тӧроез Вячеслав Сабреков «ВКонтакте» мерлыко вотэсысь бамаз ивортӥз.

Пусошур школаын спортзалысь лампаосты воштыны, вӧлдэтэз но борддоръёсты ӟечгес буялозы. Солы 450 сюрс манет пала быдтыны чаклало.

Светильникъёсъя торгъёс та дырлы ортчизы ни. Оглом, тупатъян ужъёсты гужем каникулъёс ӵоже быдэстыны чакламын
Вячеслав Сабреков, Глаз ёрослэн тӧроез

Адамысь школаын юртлэсь вылзэ выльдыны, пушказ электротыл кыскыны, шуныт сётон сӧзнэтэз но гумыосты тупатъяны малпало.

Тодэ вайытом, Красногорскын «Большой ремонт» ӵектос улсын 1 номеро нылпи садэз рос-прос тупатъяны кутскизы. Азьвылгес Дэбесын шор ёзо школалэсь вуж юртсэ рос-прос тупатъянэз йылпумъязы



Наверх
Вниз