100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Тупатъям бере Лулчеберет юртэз усьтӥзы Ува ёросын

  • 171
  • 0
Ува / Удмуртия
Тупатъям бере Лулчеберет юртэз усьтӥзы Ува ёросын
Туспуктэм: vk.com (Владимир Соловьёв)

22-тӥ куартолэзе Ува ёросысь Удугуртын (Ува-Тукля) «Культура» йӧскалык ӵектос улсын рос-прос тупатъям Лулчеберет юртэз усьтӥзы. Со сярысь элькунысь лулчеберетъя министр Владимир Соловьёв ивортӥз.

Юртэз быдэсак выльдыны 3 миллион 363 сюрс 480 манет висъязы. Со коньдонэн липетсэ, электроюгыдтонэз ӟеч-ӟеч тупатъязы, пырон пыронзэ воштӥзы, юртлэсь азьпалзэ тупатъязы но буязы, санузел лэсьтӥзы, котырысьтыз интывылэз умоятӥзы.

Учкон залэ выль пуконъёсты «Культура малой родины» федерал ӵектосэз быдэсъян улсын басьтэмын
Владимир Соловьёв, Удмуртиысь лулчеберетъя министр

Тодэ вайытом, азьвылгес Уваын «Юность» лулчеберет юртэз тупатъян ужъёсты йылпумъязы



Наверх
Вниз