Ижкар+15 °C
2 -тӥ пӧсьтолэзь 2020 Покчиарня
16+

Якшур-Бӧдья ёросын школаез рос-прос тупатъяны кутскизы

  • 218
  • 0
Мукши / Удмуртия
Якшур-Бӧдья ёросын школаез рос-прос тупатъяны кутскизы
Туспуктэм: vk.com (Ярослав Семёнов)

Якшур-Бӧдья ёросысь Мукши гуртысь школаын «Большой ремонт» ӵектос улсын рос-прос тупатъян ужъёс кутскизы. Со сярысь «ВКонтакте» мерлыко вотэсысь бамаз элькун кивалтэтлэн тӧроез Ярослав Семёнов ивортӥз.

Куать ар ӵоже ини ужъюрт удмурт кылэз дышетонъя инъет луись площадка луэ. Туэ Удмуртия кунлыкезлы 100 ар тырмонэз пусъе, соин ик таӵе объектъёслы – нимысьтыз саклык
Ярослав Семёнов, Удмуртиысь кивалтэтлэн тӧроез

Школаез 40-лэсь трос ар талэсь азьло, 1977-тӥ арын, пуктӥзы. Та дыре отын 101 пиналъёс тодон-валан люкало.

Дышетсконниын выжъёссэ, ӧсъёссэ, шуныт сётон сӧзнэтсэ, вентиляциоссэ, канализацизэ но ву гумыоссэ быдэсак воштозы. Озьы ик электрокужым вуттӥсь но югдытӥсь тӥрлыкез выльдозы. Юртэ тылпу сярысь ивортӥсь но возьмаськон сигнализация кыскозы. Со сяна, борддоръёсты но вӧлдэтъёсты тупатъялозы, выль санузел лэсьтозы.

Выльдэм школаез гудырикошконэ усьтыны чаклало

Пусъём, Удмуртилэн кунлыкезлы 100 ар тырмон аре Ижкарысь Кузебай Герд нимо гимназиын но Можгаысь дышетӥсьёсты дасянъя Трокай Борисов нимо колледжын тупатъян ужъёс мынозы.

Ватсалом, 1-тӥ инвожое Вавож ёросысь кык дышетон юртъёсын тупатъян ужъёсты кутскозы. Партчи (Гурезь-Пудга) шор ёзо школаын липетэз рос-прос тупатъялозы, укноосты, шуныт сётон сӧзнэтэз воштозы. Каменной (Каменный Ключ) гуртысь школаын со сяна канализациез но ву гумыосты вошъялозы. Ужъёсты гужем шорын йылпумъяны кулэ.

Тодэ вайытом, туэ «Большой ремонт» ӵектос улсын Грак ёросын ньыль мерлыко ужъюртъёсты тупатозы. 



Наверх
Вниз