Ижкар+19 °C
6 -тӥ пӧсьтолэзь 2020 Вордӥськон
16+

25 школаосты но нылпи садъёсты тупатъялозы Воткаын 2020-тӥ арын

  • 77
  • 0
Вотка / Удмуртия
25 школаосты но нылпи садъёсты тупатъялозы Воткаын 2020-тӥ арын
Туспуктэм: Руслан Нуриахметов

Воткаын «Большой ремонт» ӵектос улсын 25 школаосты но нылпи садъёсты тупатъяны кутскизы. Ужъёсты быдэстыны 30 миллион манет висъязы. Со сярысь элькун тӧролэн но кивалтэтлэн пресс-службазы ивортэ.

Ужъёсты 18 номеро но 17 номеро школаосын мытӥзы ини. Отын 447 но 573 пиналъёс дышетско. Тупатъян ужъёс улсын юртъёслэсь липетъёссэс выльдо

12 номеро школаын озьы ик липетэз тупатъялозы, шуныт сётӥсь гумыоссэс но урамысь югдытӥсь тӥрлыксэс выльдозы. Ужъюрт пичи ӧвӧл, отын 1 сюрс 14 пиналъёс тодон-валан люкало. 22 номеро школаын 1 сюрс 20 пиналъёс дышетско. Юртысь липетсэ выльдозы но укнооссэ воштозы. Воткаысь лицейын электрокужым сётӥсь сӧзнэтэз, педпалысьтыз шуныт вуттӥсь гумыосты тупатъялозы.

Озьы ик карын нылпи садъёсты но тупатъяло. 22 номеро нылпи садын липетсэ рос-прос выльдо, укнооссэ вошто, педпалась шуныт вуттӥсь гумыосты тупатъяло. 39 номеро нылпи садлэсь липетсэ лэсьтозы. 47 номеро нылпи садын но липетлэсь ог люкетсэ выльдозы. Верам садъёсы оглом 791 ветло.

Тодэ вайытом, «Большой ремонт»  ӵектос улсын озьы ик Якшур-Бӧдья но Грак ёросын тупатъян ужъёс мыно. 



Наверх
Вниз