Ижкар+19 °C
7 -тӥ пӧсьтолэзь 2020 Пуксён
16+

«Времена года» парк усьтозы туэ гужем Воткаын

  • 68
  • 0
Вотка / Удмуртия
«Времена года» парк усьтозы туэ гужем Воткаын
Туспуктэм: Удмуртиысь тӧролэн но кивалтэтлэн пресс-службазы

2020-тӥ арын гужем Воткаын «Времена года» парк усьтозы. Карез умоятонъя тужгес бадӟымзэ ӵектосэз улонэ пыӵатонэн 29-тӥ инвожое Удмуртилэн тӧроез Александр Бречалов тодматскиз, ивортэ улосвыл тӧролэн но кивалтэтлэн пресс-службазы.

Та парк милям П. И. Чайковскийлы сӥземын – «Времена года». Со ньыльлы люкемын, пуштроссэ будосъёс, пичи архитектура кабъёс усьтозы
Артём Гредягин, Воткалэн тӧроезлэн жилищно-коммунальной возёсъя, архитектурая но лэсьтӥськонъя воштӥсез

Парк – Вотка понна выль мер интывыл, солэсь ӵектоссэ архитекторъёслэн, инженеръёслэн но мувылтус дизайнеръёслэн ӧнерлыко командазы кылдытӥз. Отын шутэтскыны, спортэн но творчествоен вырыны интыос луозы.

Та дырлы ужъёс 90 процентлы быдэстэмын ни. Александр Бречалов карлэн кивалтӥсеныз Алексей Заметаевен ӵош паркетӥ ортчиз но отын скандинав амалэн ветлӥсьёсын, пиналъёсын вераськиз, егитъёсын баскетбол шудӥз.

Ӵектос покчи каръёс но истори поселениос понна огъяросси вожвылъяськонэ пыриськиз но 100 миллион манет утӥз. Озьы ик паркез кылдытыны коньдон элькун но муниципалитет висъязы. Со сяна, карын улӥсьёс но коньдонэн юрттыны быгатӥзы. Оглом ӵектос 300 миллион манет тыр усёз.

Пусъем, паркез кылдытыса, радъясьёс кӧня ке ужпумъёсты быдэстӥзы. Озьы, Берёзовской вукожын пож вуэз люкан но палэнэ келян сӧзнэтз кылдытӥзы, озьы ик ярдурзэ юнматӥзы.  

Тодэ вайытом, Глазов со конкурсын ик карысь валтӥсь ульчаез выльдыны 90 миллион манет утӥз.  



Наверх
Вниз