Ижкар+19 °C
7 -тӥ пӧсьтолэзь 2020 Пуксён
16+

Вить нылпи садъёс пуктыны кутскозы Дэри ёросын 2020-тӥ арын

  • 74
  • 0
Дэри / Удмуртия
Вить нылпи садъёс пуктыны кутскозы Дэри ёросын 2020-тӥ арын
Туспуктэм: Руслан Нуриахметов

2020-тӥ арын Дэри ёросын вить нылпи садъёс пуктыны кутскозы. Со сярысь Удмуртилэн тӧроез Александр Бречалов ёросэ вуылыкуз тодмо луиз, ивортэ улосвыл тӧролэн но кивалтэтлэн пресс-службазы.

Лудорвайын, Люкшудьяын, Юсьын, Постолын 80 интылы нылпи садъёс пуктозы, Хохрякиын – 220 интылы.

30-тӥ инвожое улосвыллэн тӧроез Дэриысь 80 интылы выль нылпи садэ вуылӥз. Отын куинь аресозь покчиосты 2-тӥ пӧсьтолэзе пумиталозы ни, нырысь-валысь дежурной группаос ужалозы.

Дэри ёросын улӥсьёслэн лыдзы арлы быдэ 2 сюрс адямилы йылэ. Та дыре отын 80 сюрслэсь трос улӥсьёс нимлыко пусъемын. Но ёрос тӧрлыкъёслэн чотамзыя, зэмос улӥсез 2-3 поллы тросгес

1-тӥ пӧсьтолэзьлы ёросын 1,5 аресысен 3 аресозь 522 пиналъёс нылпи садэ путёвкалы черодын сыло. Ужпумез «Демография» йӧскалык ӵектос улсын сэртто-пертчо. Кылем арын куинь аресозь нылпиос понна 530 интылы чаклам 7 объектъёс пуктӥзы. Ваньмыз соос туэ ар ӵоже усьтӥсько. 

Тулыспалэ Дэриысь Дружбы ульчаын нылпи садэз усьтӥзы, южтолэзе – Ягулын. Инвожое Дэриысь Прудовой ульчаысь но Вуж Чультэм гуртысь садъёсы 186 путёвкаос сётӥзы: соос 2-тӥ пӧсьтолэзе пиналъёсты кутыны кутскозы (дежурной группаосын).

Эшшо куинез нылпи садъёс – Изгуртысь, Хохрякиысь но Шудӟаысь – лицензи басьтон ужрадэз ортчо. 1-тӥ куарусёнысен отчы 210 пиналъёс мынозы. 

Тодэ вайытом, Александр Бречаловлэн верамезъя, 2021-тӥ аырн сюресъёсты но инфраструктураез лэсьтон ласянь бадӟым саклык ӵапак Дэри ёрослы висъялозы. 



Наверх
Вниз