Ижкар+20 °C
9 -тӥ гудырикошкон 2020 Воскресенье
16+

52 фельдшер-акушер пунктъёс пуктыны кутскозы Удмуртиын гудырикошконэ

  • 43
  • 0
Ижкар / Удмуртия
52 фельдшер-акушер пунктъёс пуктыны кутскозы Удмуртиын гудырикошконэ
Туспуктэм: Григорий Фомин

Гудырикошкон кутсконын Удмуртиын 52 фельдшер-акушер пунктъёсты пукон борды басьтӥськозы. Со сярысь элькун кивалтэтлэн тӧроез Ярослав Семёнов «ВКонтатке» мерлыко вотэсысь бамаз ивортӥз.

Со ФАП-ёс элькунысь 21 ёросъёсын кылдозы но туала эм тӥрлыкен тырмытэмын луозы: дефибрилляторъёсын, электрокардиографъёсын, кислород ингаляторъёсын. Таяз арын оглом 88 сыӵе пунктъёс пуктэмын луозы
Ярослав Семёнов, Удмуртиысь кивалтэтлэн тӧроез

Юртъёсъя конкурсъёс ортчизы ни, лэсьтӥськисьёс ужез кутскыны дасясько.

Ярослав Семёнов пусйиз, кылем арняе Россилэн азьмуртэз Владимир Путин кунэз 2030-тӥ арозь азинтонъя йӧскалык ужпумъёс сярысь косэмез (указ) кинюртӥз, соос пӧлын калыкез утён, адямиослэн тазалыксы но дэлетсы. Нош улон аръёсты йылэтыны нырысетӥ эмъюрттэт сётон сӧзнэтэз азинтытэк уз луы.  

Тодэ вайытом, туэ выль фельдшер-акушер пунктъёсты Глаз но Вавож ёросъёсын усьтӥзы ни.



Наверх
Вниз