Ижкар+17 °C
26 -тӥ куарусён 2020 Кӧснунал
18+

80 интылы ясли-нылпи сад пукто Дэбес черкогуртын

  • 64
  • 0
Дэбес / Удмуртия
80 интылы ясли-нылпи сад пукто Дэбес черкогуртын
Туспуктэм: vk.com (Андрей Иванов)

Дэбес черкогуртын 80 пиналлы чаклам сиён пӧран но дӥсь миськон интыосын ясли-нылпи сад пукто. Лэсьтӥськонэз вуоно арын йылпумъяны кулэ. Со сярысь Дэбес ёрослэн тӧроез Андрей Иванов «ВКонтакте» мерлыко вотэсысь бамаз ивортӥз.

Та дырлы инъетсэ но цокользэ лэсьтон ужъёсты ни. Муниципал контрактъя лэсьтӥськонэз 2021-тӥ арын 31-тӥ куартолэзе быдэстыны кулэ
Андрей Иванов, Дэбес ёрослэн тӧроез

Нылпи садэз Росси аьмуртэн Владимир Путинэн кичӧлтэмъя «Демографи» йӧскалык ӵектос улсын пукто.

Кызьы вераз Андрей Иванов ивортодэтъя «Удмуртия» агентстволы, черкогуртын нылпи садэ черод бадӟым ӧвӧл, но выль юрт туж кулэ.

Туннэ нуналлы бадӟым черод ӧвӧл, но нылпи садъёслэн юртъёссы туж вужмемен шугъяськонъёс вань, чаклась ёзэсъёс соосты кемалась ворсаны туртто ни. Пиналъёсты выль корпусъёсы выжтом
Андрей Иванов, Дэбес ёрослэн тӧроез

Тодэ вайытом, 2020-2021 аръёсы Удмуртиын 21 нылпи сад пуктозы. Туэ выль дышетскон арлы вить нылпи садъёсты усьтӥзы, ар пумозь Сарапулын но Ижкарын 220 интылы кык нылпи садъёсты пуктон ужъёсты йылпумъялозы. Со сяна, Воткаын, Алнашын, Вавожын но Шаркан ёросысь Мишкин гуртын 80 интылы чаклам нылпи садъёсты уже кутозы.



Наверх
Вниз